Nuuk
Assit takukkit: Nipilersornermik unammisitsisoqarnerani ajugaasut
Ukioq manna ajugaasut Danmarkimut tusarnaartitsiartussapput, Nuifimi aaqqissuisut ilisimatitsipput
Nipilersoqatigiit nutaat 'Isuma' Nuummi nipilersortartunik unammisitsinermi ukioq manna ajugaasuupput.
Niuf unammisitsinermut aaqqissuussisuuvoq.
Ajugaasut decembarip 17-ni Nuif-imi tusarnaartitsissapput, Inuusuk Julefestival 2015 ulluni pingasuni ingerlanneqarnerani, nipilersoqatigiillu aamma januarimi Aalborgimi Ungdomsringens Musikefestivalimi tusarnaartitsissapput.
Angalanissaq pilersaarusiorneqartoq
Unammisitsinermi dommeriusut tassaapput, Steen Lynge, Ruth Mongomery Andersen, Albrecht Damgaard, Simon “Mooqqu” Løvstrøm.
Nipilersoqatigiit sapaatip akunnerini marluinnarni nipilersoqatigiissimasut, unammisitsinermillu malinnaasut tamaasa tupaallatsinneqartut Nuif ilisimatitsivoq.
- Maanna januarimi Aalborgimukarnissaat pilersaarusiuleruttorparput, Nuif tusagassiorfinnut nalunaarpoq.
Aajuku nipilersoqatigiinni Isumami ilaasut:
- Nick Ørbæk (erinarsortoq aamma elguitar)
- Martin Eskildsen (guitar aamma erinarsortoql)
- Nukappiannguaq Vetterlain (tumerparpaartoq)
- Saamu Rasmussen (bass aamma erinarsortoq)
Allaaserisap ataani assit takukkit