Nuuk
Assit takukkit: Nipilersoqatigiit nutaajunerusut tusarnaarianit nuannarineqarluartut
Nuummi nipilersoqatigiit Inuk tallimanngormat Avannaamiunut Anguigamut kissassaasuupput
Inuusuttut aamma utoqqaanerit Nuummi tallimanngormat Katuap paarlersuani Inuk tusarnaarpaat.
Soft-rockimik nipilersortartut unnummi tassani pingaarnertut tusarnaartitsisut Anguigaq Qaanaameersut kissassaasuuffigalugit tusarnaartitsipput.
Tusarnaartitsinissaq ullunik marlunnik sioqqullugu Inuk musikvideomik nutaamik nittartakkamut ikkussivoq, taallaq Oqaluttuannguaq. Taanna nipilersugaq countrytut nipeqapajaarpoq, Inuk nuuteeraq saqqummertumi kingullermeerpoq, nuannarineqarluartutullu oqaatigilluarneqarsinnaalluni.
Assit takukkit: Anguigaq Katuami nuannatsitsivoq
Video nutaaq nuannarineqarluartoq
Oqaluttuannguaq video ullut arlaqanngitsut takuneqarsinnaareerluni tusintilikkaanik takuneqareerpoq.
Immaqa taallap tusaqqoornartup tallimanngornermi bilitsisinissaminnut nalornisut pisitissimasinnaavai, tassami Katuaq ulikkaaqqalluinnarpoq.
Sermitsiaq.AG-mi atuaasartut tusarnaartitsinermit assit aamma nipilersoqatigiit musikvideoat nutaaq uani ataani takusinnaavaat