Assit takukkit: Narsami inuiattut ullorsiornerup aallartinnera

Narsami inuiattut ullorsiornerup ammarneqarnera pikkunaakujuppoq. Tassami pisortatigoortumik ammaanersiornermi peqatigiiffiit katinngataat ataasiinnaq peqataavoq. Nalinginnaasumik Umiarsualivitoqqami katinngaterpassuit sanileriiaartaraluarput.
Ukioq mannali taamaattoqanngilaq - peqatigiiffiit katinngataat ataasiinnaq peqataavoq, tassalu Erinarsoqatigiit Nangaasut katinngataat.
Inuit 50-it missaanniittut kommunip allaffiata saavanut katersuupput, tassani borgmesterip tulliata aappaa Avaaraq Olsen kommuni sinnerlugu oqalugiarluni. Inuit kajumissaarpaat ullortuneq ataqqinartumik nalliusseqqullugu, Kommune Kujallermilu suleqatigiilluarnerup ingerlatiinnarnissaa kajumissaarutigalugu. Soorlu oqarneratut:
– Kommunimi maani iluarsisassarpassuaqarpoq.
Tassungalu killittoq megafoni nipaaruppoq, borgmesterilu tulliata aappaa suaartartariaqarpoq iggiarlulingajalluni. Nalunaajaataali kikkut tamarmik tusarnaat, isumaqataallutillu sikisaarlutik oqalugiarnini naggaserlugu siulit nersorniarmagit.
Tamatuma kingorna kommhni katersortarfimmi kikkunnut tamanut ullaakkorsiortitsivoq. Nalunaaqutaq qulingiluanut piniartut aallakaapput siulliuniullutik puisinniarlutik.
Nalunaaqutaq qulinut nalliuttorsiornermi naalagiartoqarpoq palasi Jens-Jørgen Hansen oqaluussisoralugu.
Nalunaaqutaq 13-imiit katersortarfiup eqqaani katerisimaartoqarpoq nereqatigiittoqarluni aliikkusersuisoqarlunilu. Katersortarfimmi silataaniluunniit, silap pissusilersornera apeqqutaalluni.