Maaji Nuan
Assit takukkit: Mittarfimmi stafetterneq iluatsilluartoq
Arpattartut 140-t missaanniittut sapaatiummat 'Maaji Nuan' aaqqissuunneqarnerani Nuummi mittarfimmi stafetterneq aaqqissuisut iluatsilluartutut nalilerpaat
Sapaatiummat nuna aputeqalersimasoq Nuummi inuit iterput.
Taamaattumillu arlaqartut ullaarnaniit Facebookikkut apersuipput, Maaji Nuannip mittarfimmi arpatsitsinissamik aaqqissuussaa ingerlanneqassanersoq. Air Greenlandilli tungaanit ingerlanneqarnissaa qularineqanngilaq.
Takkuttorpassuit
Taamaammallu takkuttussat qanoq amerlatiginissaat pissanganarpoq, amerlassusaalli tupaallannartumik ajunngilaq. Meeqqat 75-t aamma inersimasut 63-t arpannermut peqataapput, tamannalu Air Greenlandip iluatsittutut nalilerpaa.
Inuit pingasukkaarlutik stafetterput. Meeqqat 100 meterinut arpapput, inersimasullu taanna siumut utimullu marloriaramik tamarmik 2 kilometerinut arpapput.
Unnuami arpatsitsinermi peqataasut aatsaat taama amerlatigisut
Atuaruk: Unnuami arpatsitsinermi peqataasut aatsaat taama amerlatigisut
Meeqqat tulluusimaartut
Meeqqat peqataasut tamarmik nalunaarnerminni Buffinnapput - qungasequt arpareernerullu kingorna meeqqanut tamanut ujaminnatsitsisoqarpoq.
Aammalu ajugaasunut tamanut pinnatsitsisoqarpoq, Maaji Nuannilu tamanut naatitanik imermillu sassaalliuteqarpoq. Arpattut mikinerit apuuttut pikkoripput, ujaminnattaallu tamarmik tulluartuupput.
Ullormit nuannersumit asserpassuit uuma ataani takukkit