Assit takukkit: Maanna folkemøde aallartippoq

Kalaallit Illutaaat sisamaasut ukiormanna siullermeerlutik qallunaat folkemødeqarneranut nunarput pillugu tupermi sammisaqartitsiniarlutik ataatsimoorput.

Sermitsiaq.AG-p pingasunngornermi tamanna allaaseraa.

Atuaruk: Folkemødemi kalaallit ataatsimut tupeqassapput

Ullumikkullu ukiut tamaasa pisartoq ammaanersiorneqarpoq, taanna Inuit Ataqatigiit ukiuni tallimani tulleriinni peqataaffigaat.

Bornholmimi ulapinneq
Ulluni sisamani tulliuttuni kalaallit programmiat ataatsimoortuussaaq, tassani IA-p folketingimut ilaasortaatitaa, Aaja Chemnitz Larsen, ilaatigut USA-p ambassadørianut, Rufus Giffordimut, Canadap ambassadørianut, André Francois Girouximut, Nils Wangimiut Forsvarsakademietimeersumut aamma WWF-imeersumut Gitte Seebergimut Nordisk Ministerådip 'Arktisk Jeopardymi', issittoq pillugit apeqqutinut narlorsitsaarinermi unammissavai.

Nuummi aamma qassimiuaartoqangajalersoq
Kalaallit Illuutaat aamma oqallinneq 'Kalaallit Danmarkimiittut - isumalluut aamma unammillernartoq' aaqqissuutissavaat, kiisalu peqatigiiffik Meeqqat Inuunerissut oqallinnermut 'Du er for kvik til at være grønlænder' qulequtalimmut aggersaapput.

Aaja Chemnitz Larsenip Bornholmimi ataatsimiinneq kalaallit aaqqissuussaannut, Qassimiuaarnermut, Nuummi siullermeerluni qanittukkut ingerlanneqartussamut kissassaatitupajaaq isigaa.

Video takuuk: Qassimiuaarneq nutaaq ulluni makkunani pilersaarusiorneqarpoq

Atuaruk: SIK-p Nunarput tamaat qassimiuaarnissamut peqatiseraa