Nittarsaassineq
Assit takukkit: Kunngissap nunarput Japanimi nittarsaappaa
Nunatta Japanimi niuernera siuarsarniarlugu nittarsaanneqarnera kunngissakkut Naalakkersuisullu siulittaasuat Kim Kielsen Siumumeersoq siuttoralugit Tokyomi sisamanngornermi aallartippoq
Naalakkersuisut siulittaasuat Kim Kielsen aamma aalisarnermut, piniarnermut nunalerinermullu naalakkersuisoq Karl-Kristian Kruse, tamarmik Siumumeersut, kunngissakkut peqatigalugit nunatta Japanimi niuernera siuarsarniarlugu nittarsaassinerat ullumi sisamanngornermi aallartippoq.
Sisamanngornermi aalisarneq pillugu isumasioqatigiittoqarpoq Kunngissakkut peqataaffigisaanni.
Assit: Kielsen aamma Kruse Tokyomi aalisagaarniarfimmiittut
Nunatta Japanimi nittarsaanneqarnerani qalerualinnik puisillu amiinik tunisassianik nunatsinneersunik Japanimut tunisaqarnerulernissaq siunertaavoq, soorlu aamma takornariat amerlanerusut nunatsinnukarusulersinnissaat aamma siunertaasoq.
Kunngissakkut nunatsinni inuiaqatigiinni ilukkut tarnikkullu tunngasut aallaavigalugit saqqummersitsineq tallimanngorpat ammassavaat.
Japani pillugu allaaserisat uani allat atuakkit
Sisamanngornermi pisut ilaannit assit marluk takukkit