Kulusuk
Assit takukkit: Kulusummi innuttaasunut juullimi isiginnaartitsissusiaq
Kulusumi Alivarpimmi atuartut Kulusummi atuartunut innuttaasunullu jullimi isiginnaartitsissusiamik takutitsipput
Ukiut arlallit tulleriisiinnralugit Kulusumi Alivarpimmi atuartut, ilinniartitsisortik Natalie Holm peqatigalugu juullimi isiginnaartitsissusiortarput, atuarfimmi atuartunut inersimasunullu juullerpalaartitsilluartartumik. Ukioq mannattaarlu taamaasiorsimapput.
Tulukkat qitivittut
Isiginnaartitsissusiornermi tunngavigineqartartoq pingaarutilik tassaavoq ilaatigut kalaallit oqaluttuaannit oqalualaavinillu isumassarsiortarneq. Ukioq manna isumassarsiorfigineqarsimavoq Lukkarsip Iivanngiiliua, tulukkat qitivinnerannik ilaqartilaarlugu.
– Atuartut nuannareqalugu qitillutillu isiginnaartitsipput. Suliartik kusanartoq pillugu nersualaarneqrput. Tamannalu ulluinnarni atuartitsinermi sunniuteqartarpoq. Atuartut akunnerni atuarfiusuni piumassuseqarluartarput nuannisartarlutillu, Natalie Holm, isiginnaartitsissusiami ilitsersuisuusoq nassuiaavoq.
Unnukkut isiginnaartitsineq
Peqataasut ukiut tamaasa atuarfimmi atuartunut tamanut, ilinniartitsisunut angajoqqaanullu atuarfimmi ullaap tungaani isiginnaartitsisarsimapput. Ukioq mannali, nunaqarfimmi innuttaasut kissaateqarnerisigut, isiginnaartitsissusiaq nunaqarfimmiunut tamanut unnukut isiginnaartitsissutigaat.
Isiginnaartitsineq atuartitsissutaaneq ajorpoq, taamaattumik isiginnaagassiamut piareersarnerit ilaanneeriarluni nalinginnaasumik atuartitsinermi ingerlanneqartarput.
Assit ataani takukkit