Ataatsimiinneq
Assit takukkit: Kielsenip ilaqutariit Løkkekkut tikilluaqqugai
Sisamanngornermi unnukkut ministeriuneq Nuummut tikippoq. Taanna tallimanngornermi naalagaaffeqatigiit ataatsimiinnerannut Kalaallit Nunaat aamma Savalimmiut peqatigalugit ilaassaaq
Lars Løkke Rasmussen (V) Nuup mittarfianut sisamanngonermi tikimmat, unnuk upernaarpalaarluni kialaarlunilu seqinnarippoq.
Taassuma nuliani Savalimmiuneersoq Sólrun ilagaa, taanna naalagaaffeqatigiit Kalaallit Nunaat, Danmark aamma Savalimmiut ataatsimiinnerannut atatillug tikeraarnermut peqataavoq.
Qeqertarsuatsiaat eqqaannut
Ullumi tallimanngornermi politikerit qulimiguulimmik nalunaaqutaq qulingiluanut nunaqarfimmut Qeqertarsuatsiaanut aallarput.
Tassani takornariartitsisoqassaaq, ulloqeqqanullu ataatsimiinneq aallartissaaq.
Atuaruk: TNG tusatsiakkat pillugit oqaaseqartinneqartariaqartoq
Naalagaaffeqatigiit ataatsimiinnerannut atatillugu Naalakkersuisut Savalimmiut peqatigalugit siunissami suleqatigiinnerulernissamik naatsorsuutinik aamma isumaqatigiissuteqarput.
Atuaruk: Savalimmiunik suleqateqarneq nukittorneqarnissaa neriuutigineqartoq
Mittarfimmit assit uani ataani takukkit