ilinniartitaaneq
Assit takukkit: Kalaallit inuusuttut arfineq-marluk Georg Stagemik misilittagassarsioqataasut
Sisamanngormat upernaakkut silagissuugaa Georg Stage ungasissumut angalassalluni Københavnimit aallarmat kalaallit inuusuttut arfineq-marluk ilaapput
Umiarsuaq umiartornermik sungiusarfik Georg Stage ungasissumut angalassalluni sisamanngormat Københavnimit aallarmat kalaallit inuusuttut arnat marluk angutillu tallimat ilaapput.
Umiartortunngorniat 63-it
Kalaallit angalaqataasut tassaapput Tukummeq Mikaelsen Qasigiannguaneersoq, John Egede aamma Frank Boller Maniitsumeersut, Aviaaja Pike Rasmussen, Morten Poulsen aamma Emil Brummerstedt Nuummeersut kiisalu Per Silassen Frederikshavnimeersoq. Taakkua umiartortunngorniat 63-it, qaammatini tulliuttuni umiarsuarmik umiartornermik sungiusarfimmik angalaqataasut ilagaat.
Nunanit assigiinngitsuneersut
Inuusuttut umiartortut Kalaallit Nunaanneersut, Danmarkimeersut, Savalimmiuneersut Norgemeersullu umiarsuarmik pingasunik napparutilimmik fuldriggerimik ungasissumut, pissanganartumik ilikkarfiusussamillu angalassapput, ilaatigut tikissallugit Lofoten, Ålesund, Shetlandsøerne, Antwerpen, Lissabon, Gibraltar, Madeira Tenerifelu.
Antwerpenimit Lissabonimut ingerlaarnermi umiarsuaq Tall Ships Racemi peqataassaaq.
Misilittagassarsiorluni angalaneq naassaaq Tenerifemi septembarip 2-anni, umiartortunngorniallu tassanngaanniit timmisartumik Københavnimut utissapput.
Assit ataani takukkit