ujakkaarneq
Assit takukkit: Juniorit piukkunnartut rulleskiinik GM-ertut
Martin Møllerip rulleski GM-imi kuultit tamakkerpai. Nunatsinni sisorartartut kattuffiata juniorini angusat pitsaasut maluginiarpai
Ujakkaartartut timersoqatigiiffiat NSP 22-24. juuli Nunatsinni rulleskiinik pissartanngorniunneq, Hans Lyngep Atuarfiata eqqaa aamma Qinngorpumi Dronningip aqqutaatigut aaqqissuuppaa.
Martin Mølleri ilimagineqareersutut, kuultinnalluni unamminerit tamaasa ajugaaffigai.
Arnat ilaqutariit unammisut
Møllerip apuutereermat Erik Amondsen (NSP) aamma Frederik Petersen (ISP) apuupput.
Arnat unammisartut akornanni Nunarput angutinitut nunani tamalaani arpattartunik pikkorissunik maanna amigaateqarpoq. Arnat unammineranni kuultinnanniuttut arlaqarput.
Misilittagartooq maanna 50-inik ukioqartoq, Uiloq Slettemark, unamminermi siullermi kisimi ajugaalluni peqataavoq, taamaattorli paniminit ukiunik 36-inik nukarlermit sekundinik qulingiluaannarnik siulliuvoq.
Atuaruk: Nunatta Danmark DM-imi uppisippaa
Tamatuma kingorna Armatsiaq Olsen (SSP) klassiskimi arpannermi ajugaavoq aamma Hannah Olsen 12 kilometerimut arpannermi ajugaalluni.
Martin Mølleri 6x2 km stafettimi Erik Amondsenimit malinneqarpoq. Arnatsiaq Olsen Ane Mette Noahsenimit aamma taamatut malinneqarluni.
Piukkunartoqalersoq
U-17-it akornanni kattuffiup 16-iinnarnik ukiulik Bjarne Hansen (SSP) maluginiarpaa, taanna inersimasuni arpaqataanermini ajugaavoq.
Aamma 17-inik ukiuli Hannah Olsen (ISP) 15-inillu ukiullit Minik Nikodemossen (KS-69) aamma Ukaleq Slettemark (NSP) siunissami ujakkaartartuni ilisimaneqalerluarsinnaapput.
Sisoraartartut Kattuffianni ujakkaartartut Junior- aamma AWG-mut peqataasussat Nuummi aggustip 31-ata tungaanut sungiusarlutik katersuupput.
Uani ataani GM-imit assit takukkit