Tour de Nuuk

Assit takukkit: Issittumi arpanneq

Arpannermik aaqqissuussineq 'Tour de Nuuk' nunatsinni illoqarfiit pingaarnersaanni issikkaluartoq ingerlanneqarpoq

''-mi peqataasut Tour de Nuuk
Arpatitsineq ingerlanneqarpoq naak sila issikkaluartoq
Pingasunngornermit tallimanngorneq ilanngullugu aaqqissuunneqarpoq
Katillugit 42,2 kilometerini arpapput
Tour de NuukPingasunngornermit tallimanngorneq ilanngullugu aaqqissuunneqarpoq Tour de NuukKatillugit 42,2 kilometerini arpapput Tour de Nuuk'Tour de Nuuk'-mi peqataasut Tour de NuukArpatitsineq ingerlanneqarpoq naak sila issikkaluartoq Tour de Nuuk Tour de NuukPingasunngornermit tallimanngorneq ilanngullugu aaqqissuunneqarpoq Tour de NuukKatillugit 42,2 kilometerini arpapput Tour de Nuuk'Tour de Nuuk'-mi peqataasut Tour de NuukArpatitsineq ingerlanneqarpoq naak sila issikkaluartoq Tour de Nuuk Tour de Nuuk

'Tour de Nuuk' aaqqissuunneqarmat peqataasut katillugit 42,2 kilometerinik arpapput ulluni pingasuni.

Arpatitsineq siulleq pingasunngornermi februaarip 18-ani pingasunngornermi aaqqissuunneqarpoq, 18 kilometerinik arpaffiat takitigaluni. Aqaguani 14 kilometerini arpapput kiisalu tallimanngornermi 10,2 kilometerinik arpallutik.

- Sila issikujukkaluartoq tamatta nuannaarluta apissittarpugut, aaqqissuisoq Anton M. Petersen ilisimatitsivoq.

Peqataasut ilaat ulluni arpaffiusuni ataatsini peqataapput ilaasalu tamaasa peqataaffigalugit.

Ajugaasut
Angutini Janus Eigaard ajugaavoq. Ulluni pingasuni arpaqataanermini akunnerit marluk minutsit 44-t sekundillu 19-it atorpai. Frederik Brummerstedt aappaattut inissippoq, minutsini aqqaneq marlunni kigaannerulluni kiisalu Thure Baastrup pingajuattut inissippoq, minutsini 20-ni ajugaasumik kigaannerulluni.

Kirsten Motzfeldt arnani kisiartaalluni arpaffiit tamarmik peqataaffigai. Akunnerit sisamat minutsit 47-t kiisalu sekundit 27-t atorpai.

'Tour de Nuuk' novembarimi aamma aaqqissuunneqarpoq.

- Arpattartut unikaallannginnissaat anguniarlugu 'Tour de Nuuk' aaqqissuunneqarpoq, Anton M. Petersen Sermitsiaq.AG-mit novembarimi apersorneqarami oqarpoq.

'Tour de Nuuk' apriilimi aaqqissuunneqaqqissasoq ilisimatitsissutigaa. Illoqarfiit allat aamma assingusumik aaqqissuussisalernissaat siunnersuutigaattaaq.

Assit ataani takukkit

Powered by Labrador CMS