Nersornaat
Assit takukkit: Islandip præsidentia Kalaallit Nunaata nersornaataanik ataqqinarnerpaamik nersornaaserneqartoq
Inatsisartut siulittaasuata Lars-Emil Johansenip Islandip præsidentia Ólafur Ragnar Grimsson Nersornaammik kuultimik nersornaaserpaa
Islandip præsidentia Ólafur Ragnar Grimsson marlunngormat Kalaallit Nunaata nersornaataanik ataqqinarnerpaamik, Nersornaammik kuultimik nersornaaserneqarpoq.
Islandip præsidentia maajip 19-ianni persuarsiornikkut nersornaaserneqarpoq, ataatsimeersuarnerup Arctic Circlep Nuummi ingerlanneqarneranut atatillugu.
Kalaallit Nunaata ikinngutaa
Ólafur Ragnar Grimsson nersornaaserneqarpoq præsidentitut Kalaallit Nunaata ikinngutaatut nersorniarlugu.
Inatsisartut siulittaasuata Lars-Emil Johansenip præsidenti vikingivittut taavaa.
Ataqqinaataalluartoq
– Inatsisartut siulittaasoqarfiannut Kalaallillu Nunaannut tamarmut ataqqinaataalluarpoq politikerimik taama nuimatigisumik tikeraarteqarpoq, Islandip ukiuni 20-ini præsidentianik. Vikingiulluartariaqarpoq ukiuni kingullerni Islandip unammilligassaanik pakkiisinnaanermut. Islandillu qanittukkut aningaasarsiornikkut ajornartorsiornerani sulinuteqarsimanerit pissutigalugu nunanit tamalaanit ataqqineqarlualersimavutit. Takuneqarsinnaavorlu tassunga vikingi eqqortuusimasutit, tassami Islandip siunissaa qaamallualersimavoq, tamannalu maangaanniit malinnaaffigilluarsimavarput, Lars-Emil Johansern ilaatigut oqarpoq.