assammik arsaanneq

Assit takukkit: Ingerlalluavipput

Akutaaneq Kreutzmann Ribe Esbjerg HH-lu assammik arsaannermi ingerlalluarput

Akutaaneq Kreutzmann straffimi isertitseriartoq. Knud Fl. LarsenEspen Christensenip GOG isertitseriartoq annaappaa. Knud Fl. LarsenFrank Mikkelsen annaassivoq. Knud Fl. LarsenSungiusaasoq Jakob Larsen kissassernermi isumaliuutersortoq Knud Fl. LarsenRibe Esbjerg HH-p målmanditoqaa Søren Haagen annaassisaqattaarluarpoq. Knud Fl. Larsen

Kingullermik Aalborg Håndbold ajorsatinneqarpoq. GOG-p Ribe Fritidscenterimi Ribe Esbjerg HH unammilluaqattaarnera aamma nassuerutigaa. Ribe Esbjerg HH-mi unamminermi 28-raarlutik ajugaapput GOG 25-raartoq.

Unammineq killeqartoq
Akutaaneq Kreutzmann annertunngitsumik ajoquseqqammat arsaqataata Jacob Holmip paarlaqqavaa, taannalumi isaatitsilluarluni. Ingerlalluarnera maluginiarneqarsimagami landsholdinut piukkussanut træneqataasalernissaminut toqqarneqarsimavoq. Taamaammat Akutaaneq Kreutzmann ajoquseqqanini pissutigalugu iligisarnikuusaminut GOG-mut unamminermi peqataarpianngilaq. Unamminerup immikoortuani siullermi straffimi isertitsivoq, unamminerullu immikkoortuata aappaanni minutsialuinnarni isersimalluni.
- Jacob Holm arsarluaqaaq. Ajugaanerpummi aamma nuannerluinnarpoq. Eqqissilluta unamminerit ataasiakkaarlugit ingerlatissavagut, paasinarsiumaarporlu qanoq pisoqarumaarnera, Akutaaneq Kreutzmann unammineq piareersimatsiartoq Sermitsiaq.AG-mut taama oqarpoq.
GOG-mut ajugaareernerup kinguneranik Ribe Esbjerg HH maanna nr. 5-mi inissisimavoq.

Ribe Esbjerg HH
Ribe Esbjerg HH namminneq arsaattarfimmini Ribemiittumi Esbjergimiittumilu unamminerit ingerlappaat. GOG-mullu unamminerat 1238-nit ikinnerunngitsunit Ribe Fritidscenterimi isiginnaarneqarluni.
Akutaaneq Kreutzmann kisiataalluni GOG-mi unammisarnikuunngilaq Søren Haagenimi målmanditoqaq aamma GOG-mi assammik arsarluni unammisartuunikuummat. Tupinnanngitsumillu klubberisimasani unammigamiuk sukataarluartoq takuneqarsinnaavoq.

Unamminerup ingerlanera
Unamminerup aallartinnerani naligiittorujussuupput. Akuutaaneq Kreutzmanili straffimi isertitsimmat 8-6-mut siuarput. Muminnermilu aqqaneq marloraarlutik siuaqqapput unammisaat qulingiluaraaginnaqqasut. Unamminerup immikkoortuata aappaanni GOG angummappoq. 20-20. 21-21. Straffimi isertitseriaraluarlutik iluatsinngitsoorpaat anisitaanerillu arlallit pereersut fynimeersut kinguarput. Taamaasillutillu Ribe Esbjerg HH 28-nik isertitsilluni ajugaavoq unammisaat 25-raartut.

Aaqqitassaqarluarpoq
GOG-mi unammisartunut sungiusaasumullu Jakob Larsenimut aaqqitassaqarluarpoq. Unammiuarnerimmi aallartinnerat klubbip ilimagisaanit allarluinnartut ingerlavoq. 4 pointiinnaammi maannamut katersorsimavaat tamannalu siorna bronzennattunut nr. 12-mi inissisimaneq naammaginanngilluinnarpoq.

Minik Dahl Høegh Aarhus Håndboldilu ajugaaqqipput
Aarhus Håndboldip ingerlalluarnertik attatiinnarpaat. Brøndby Hallenimi KIF Kolding Københavnimut unammigamik 27-21-mik ajugaapput. Minik Dahl Høegh tallimaraarluni. Inissisimaffimmi Aarhus Håndbold maannamut nr. 8-miippoq arfinilinnik pointeraarluni.

Powered by Labrador CMS