Narsarsuaq

Assit takukkit: Hurra! Narsarsuaq nalliuttorsiorpoq

Narsarsuaq pingasunngormat tunngavilerneqarnerminit ukiunik 75-inngortorsiorluni nalliuttorsiorpoq kaagerpassuarnik sassaallerluni

Nalliuttorsioqataasut boorlutorlutillu sikutorput. Ole G. JensenAliikkusersuineq - Narsarsuaq style - balloni silasiut pullanneqarpoq, sulili angissusissani tigunngikkaa meeqqat utaqqikatattut tiguvaat pinnguarilerlugulu. Silaannarmik minguitsumik pullanneqarpoq taamaattumillu ulorianaateqarani. Ole G. JensenDMI-p sikunik alapernaarsuiffia nuannarineqartumik sikullerpoq. Sikut ikinngeqisut tunioraanneqarput Ole G. JensenKaagiliornermik unammisitsinermi kaagit kusanartut. Kaagi qorsuk talerperleq Kalaallit Nunaannik assilik ajugaavoq. Ole G. JensenKalaallit, qallunaat amerikarmiullu erfalasui katersugaasiviup saavani kaffisoqatigiinnermi amuneqarsimapput Ole G. JensenKaagiliornermik unammisitsinermi ajugaasoq Kristine Lund katersugaasiviup pisortaanit Ole Guldagerimit ulumik Arctic Sun-imeeresumik akissarsisinneqarpoq. Ole G. Jensen

Narsarsuarmi katersugaasiviup saavani kaffillertoqalermat nunaqarnerunnaaqqammerpoq.

Katersugaasivimmi Erfalasorput, Dannebrog aamma Stars and Stripes amuneqarsimapput, Narsarsuup amerikarmiut sakkutooqarfigisimasaatut oqaluttuassartaa nalliussiniarlugu.

Qaqortup Katersugaasiviata pisortaa Ole G. Jensen naapetorlugu Narsarsuarmiut amerlanerpaartaat takornariallu marlussuit kaffisoriarsimapput.

Ulloq taanna kaagiliornermik unammisitsisoqarpoq, tassanilu ajugaavoq Kristine Lund, isertortumik taasisitsinerup kingorna toqqarneqartoq. Akissarsiaraa ulu kusanaretoq Arctic Sun-imeersoq.

Naapertuulluartumik DMI-p sikunik alapernaarsuisui sikullerput, meerarpassuit nuannaarutigeqisaannik. Kingorna DMI-p balloni silasiut pullappaa meeqqanullu tunniullugu.

Powered by Labrador CMS