assammik arsarneq
Assit takukkit: GOG pissanganartumik unammeqqittoq
GOG unammigaangat unammineq pissanganartuaannarpoq
Assammik arsartartut GOG unamminerni kingullerni sisamani ajugaapput. Taamaattumik SønderjyskE-mut pingasunngornermi unammilluarnisssaminnik periuuteqarluarput. Unammigaangamik naligiittartorujussuupput. GOG Arenami pingasunngornermi unammigamik aamma naligeeqaaat.
Immikkoortoq siulleq naammassimmat SønderjyskE 11-13-mik siuaqqavoq.
Minik Dahl Høegh unamminermi iluatsitserpianngitsoorpoq.
Unamminermi sekundit 23-t amigaataasut SønderjyskE 23-24-mik siuaqqavoq. Unamminerup naammassiliivinnerani GOG isertitsivoq, unammisullu naligiiginnarput tamarmik 24-raarlutik.
Akutaaneq Kreutzmann unamminermi pingasoriarluni isertitsisoq Minik Dahl Høegh marloraartoq.
Sungiusaasup Jakob Larsenip GOG-ip ajugaannginnera pakatsissutigaa.
- Unamminerup naammassilernerani nalunarpoq kikkut ajugaassanersut. Minutsilli 15-nnanngortut sisamanik kinguaqqagaluarluta unamminerup naanerani naligiinnerput pitsaasuusutut takuneqarsinnaavoq, oqarpoq.
Assit ataani takukkit