arsarneq
Assit takukkit: G-44 aamma N-48 GM-imut ingerlaqqittut
Timersoqatigiiffiit taakku marluk anngunniunnermi qularnaatsumik finalimut anngupputQ
GM-imut anngunniunnermi timersoqatigiiffiit sisamat peqataapput, ilimagineqartut G-44 Qeqertarsuarmeersut, N-48 Ilulissaneersut, Kugsak-45 Qasiagiannguaneersut aamma T-41 Aasianneersut.
Anngunniunnerit weekendimi ingerlanneqarput.
Najukkaminniittut ajorsartikkaat
G-44 aamma N-48 unamminermi siullermi naapipput, tassani G-44-p unammisartui misilittagartut najukkaminni unammisunut N-48-mut assorooroortitsipput.
N-48-mi siukkaasa G-44 illersuisuisa akornanni iluatsitsinngillat, unamminerlu 3-0-imik inerneqarluni G-44 ajugaavoq.
N-48 unamminerni tulliuttuni marlunni Kugsak-45-mut aamma T-41-mut (5-1) ajugaavoq, unamminermilu kingullermi Kugsak G-44-mut 1-1-erluni naligiippoq. Kisianni G-44 tassani anngutereerpoq, pointilu ataaseq naammagiinnarsinnaavaat.
Inernerit
Anngunniunnerit ima naammassipput:
- G-44 7 point (anngupput)
- N-48 6 point (anngupput)
- Kugsak 45 4 point
- T-41 0 point
Uani allaaserisap ataani assit takukkit