Ilinniarneq
Assit takukkit: Eskimologi atatinnissaanut iliuuseqartut
Københavns Universitetimi ilinniartut, Eskimologi ukioq ataaseq allortarlugu ilinniartunik aallartitsisalernissaa ernumassutigaat. Tallimanngormat ilinniakkat 'minnerit' atatiinnarneqarnissaannut ammasumik akerliunermik takutitsisoqarpoq
Københavnip Universitetiani fagini minnerusuni ilinniartut arlallit siunissami fagimi atatiinnarneqarnissaannut tallimanngormat akerliunerminnik takutitsipput.
Tamanna ilaatigut Eskimologimut aamma Arktiske Studiemut tunngavoq.
Takutitsineq universitetimi ingerlanneqarpoq, akunnernik marlunnik affaanillu sivisussuseqarpoq. Soqutiginnittut 100-120-t missaaniittut alakkaapput.
Atuaruk: Universitetip fagi Eskimologi unitsippaa
Kingunissai ernumassutaasut
- Fagit minnerusut 13-it matuneqarnissaat aarlerisaarutigineqarpoq, taakkunannga quliusut uagut immikkoortortatsinneersut, tamanna universitetimi sipaarniartoqarnissaanik pissuteqarpoq. Tamanna ilaatigut fagit 13-it 2017-imi matuneqarnissaannik isumaqarpoq, ilaallu ataatsimuulersinneqassapput, ilaallu ukioq ataaseq allortarlugu nutaanik ilinniartoqalertassalluni, Lone Riis, Eskimologi aamma Arktiske Studiemi bacheloritut ilinniartoq, Sermitsiaq.AG-mut oqarpoq.
Immikkoortortaqarfimmi allami ilinniartut peqatigalugit taanna akerliussutsimik takutitsivoq, taakku ilaatigut ilinniarnermut prorektori, Lykke Friis (V), aamma universitetip dekania, Ulf Hedegaard, ilinniartunik oqaloqateqarnissaannut qaaqqusimavaat.
Atuaruk: Eskimologip matuneqarnera ilinniagaqartut tupassutigeqaat
Atsiornernik katersisut
- Atsiornernik aamma katersivugut, aammalu atuakkanik sulianillu atornikunik katersilluta, taakku ilinniartitaanermut ilisimatusarnermullu ministerimut Esben Lunde Larsenimut (V) tunniunniarlugit, naalakkersuisut fagit mikisut matuppatigit, ilisimasat uagut ilinniartut piliarisagut pinngitsuugassaat takutinniarlugit.
Atuaruk: Aaja: Eskimologi pingaarnerutinneqannginnera kukkulluinnarpoq