Nuuk
Assit takukkit: Brugseni pisiniarfimmik nutaamik Qinngorpumi ammaalerpoq
Aasami 2016-imi Nuummi Qinngorpumi pisiniarfik nutaarluinnaq ammassaaq
Nuummi Qinngorput inissiarpassuarnik sanaartorfiulluni ineriartorpoq, maannakkullu aamma nutaamik aappaagu pisiniarfittaalerpoq.
- Qinngorput sukkasuumik ineriartorpoq illoqarfiullu nutaartaanut nuuttut amerliartorput. Pisiniarfimmik nutaamik ammaanissaq iliuusissanik qinersinermi pilersaarutitta pingaarluinnartut ilagaat, tassami atugassanik pisiniarfinni nukittuutut aammalu tamakkiisumik pigineqartutut inissisimajuarusukkatta, pisortaq Susanne Christensen oqarpoq.
Atuarfiup akiani pisiniarfik
- Pisiniarfimmut nutaamut Atuarfik Hans Lyngep akianiittussamut pisiniavut nutaat tikilluaqqunissaat qilanaareqaarput. Pisinianut biilinik inissiiffissat pitsaasut atugassarititaassapputtaaq.
Pisiniarfik 1325 m2-nik annertussuseqassaaq sullitanullu 700 m2-inik arealeqassalluni. Aggustimi 2016-imi ammarneqarnissaa naatsorsuutigineqarpoq.
Permagreen Grønland A/S-ip tamakkiisumik sanaartugassanik suliassinneqartutut tunisisussatullu illu ilanngullugulu inigisaq nammineq pigisaq nappassavai.