ikinngutigiit
Assit takukkit: Atuartut Savalimmiuneersut Niaqornaarsummiittut
Niaqornaarsuit Savalimmiormiunit 9. klassimi atuartunit tikeraarneqarput. Niaqornaarsummiut Savalimmiunukassapput aappaagu
Savamilliormiut 9. klassimi atuartut 21-t nunaqarfinni marlunneersut Kangaatsiap eqqaaniittumi Niaqornaarsummiipput tikeraarlutik. Tikeraat nunaqarfnnit Midvagimeersuullutillu Sandavagimeersuupput.
Qulequttatut pingaarnertut sammineqarpoq 'Atlantikup avannaani nunaqarfiit, inuuniarnermilu atukkat pinngortitallu allanngoriartornera'.
- Atuartut assigiinngitsorpassuarnik imminnut paasisaqarfigipput, atuarfiup pisortaa Jørn Møller Larsen oqarpoq.
- Atuartuutivut Savalimmiunukassapput aappaagu tikeraariartorlugit. Atuartut angerlarsimaffimminni, soorlu aamma maani taamaasiortoqartoq, najugaqartinneqassapput, Jørn Møller Larsen oqarpoq.
Nordplus aallaafigalugu atuartut ataatsimoortinneqarput. Anguniarneqarpoq nunat assigiinngitsut imminnut ilisimasaqarfigineqalernissaat, tassani ulluinnarni soorlu ilaatigut paasititsiniaasoqartarluni.
Savalimmiormiut Niaqornaarsumi septembarip qulingiluaanit aqqaneq aappaat tikillugu tikeraarput.
Assit ataani takukkit