Inuiattut ullorsiorneq
Assit takukkit: Asii: Akisussaassuseqarit
Kommunit aaqqissuuteqqinneqarnerisa kingorna borgmesterip inuiattut ullorsiornermi oqalugiarnera Tasiilarmiut siullermeersumik malinnaaffigaat
Kommeqarfik Sermersuup borgmesteria Asii Chemnitz Narup, Inuit Ataqatigiit, ukioq manna inuiattut ullorsiornermi Tunumiippoq. Nuummi Nuutoqqami ileqquusumik oqaligiartarneranut taarsiullugu oqalugiarpoq borgmesterip tullia Anda Uldum.
Kommuneqarfik Sermersuup borgmesteriata Nunatsinni ilungersunartumi inissisimanerup nalaani kikkut tamarmik sapinngisartik atorlugu tunniussaqarnissaat pisariaqartoq oqaatigaa.
– Inersimasuusugut meerartatsinnut akisussaasuuvugut aammali imminut, immitsinnut inuiaqatigiinnullu akisussaasuulluta. Kalaallit Nunaat imminut napatissinnaanngussappat tulluusimaarutiginerulissagutsigulu tamatta tunniussassaqarsinnaasariaqarpugut. Nalunngilara Kommuneqarfik Sermersuumi kikkut tamarmik tunniussassaqartut. Ataatsimoorluta iliuuseqarutta sunaluunniit angusinnaavarput”, oqalugiaatimi oqaatigaa.
Ukiut tamaasa Tasiilami, Ittoqqortoormiini, Paamiuni Nuummilu ataatsikkut Borgmesterip oqalugiaataa atuarneqartarpoq. Nuummi Borgmesterip sinniisussaata siulliup Anda Uldumip, Paamiuni Kommunalbestyrelsimi ilaasortap Tim Serritzlevip, Ittoqqortoormiinilu Kommunalbestyrelsimi ilaasortap Charlotte Pike-p oqalugiaat atuarpaa.