Ukiuni 40-ni umiartortoq
Assit takukkit: Arkalo Lyberth fortjentsmedaljemik nersornaaserneqartoq
Sarfaq Ittuk-mi aquttuuneq Arkalo Lyberth, umiartortutut ukioq manna ukiunik 40-unngortorsiorluni nalliuttorsiortoq, dronningip nersornaasiuttagaanik forjentsmedaljemik sølvimik nersornaaserneqarpoq
Arkalo Lyberth 14-iinnarnik ukioqarluni umiartulersimavoq. Ullumikkut ukiut 40-t qaangiuttut Kalaallit Nunaat tamakkivillugu angalaffigisarsimavaa.
Arctic Umiaq Linemi pisortaaner Jette Larsen naapertorlugu Arkalo aquttuunertut Sarfaq Ittuk-mi ingerlatsilluarnermik takutitsillunilu maligassiuisuusimavoq.
´Ilaasorpassuit Sarfaq Ittuk Arkalomut attuumassuteqartittarpaat, Arkalolu KGH-p KNI-llu nalaanni ilaasunik nassiussisunillu angallassisarsimavoq, ullumikkullu Arctic Umiaq Linemik.
Ullumikkut umiartortut attatiinnaruminaapput, Arkaloli Sarfaq Ittuk-mi, inuttat amerlasuut ukiorpaalunni inuttaaffigisimasaanni, nittarsaassutigaarput. Ilaasorpassuit Arkalo eqqaavaat umiartullammattut, tamannalu peqatigalugu ilisimallugu ilaasunik kiffartuussilluarneq qanoq pingaaruteqartigisoq.´
Taamatut nalunaarutikkut oqaaseqarepoq Arctic Umiaq Linep pisortaanera Jette Larsen.
Fortjentsmedaljep tunniunneqarnerani ilaqutai amerlasuut takkussimapput, taannalu Ataqqinartorsuup Dronning Margrethep ukiunik 40-unngortorsiornerani nersornaasiissutigaa.
Tamatuma saniatigut tunniussinermi Sarfaq Ittuk-mi maanna inuttat inuttaasarsimasullu soraarninngorsimasut peqataapput.
Sermitsiaq.AG-p Arkalo Lyberthimik apersuinera Arkalo Lyberth ukiuni 40-ni umiartortoq linkimi atuarlugulu tusaajuk.
Fortjentsmedaljep tunniunneqarnerani assit ataani takukkit