Tour de Nuuk
Assit takukkit: Akiuunerani arpatitsineq
Tour de Nuuk 29-nik peqataasoqartoq ingerlanneqaqqammerpoq
Sila issikkaluartoq Nuummi sapaatip akunnera tamaat arpatitsisoqaqqammerpoq. Arpattut katillugit 53 kilometerinik isorartutigisumik arpapput, novembarip 24-anit 30-t ilanngullugu ingerlanneqarluni.
Arpatitsineq taaguuteqartinneqarpoq 'Tour de Nuuk'. Ilulissani aamma assinganik arpatitsisoqartareerpoq ukioq manna.
- Arpattartut unikaallannginnissaat anguniarlugu 'Tour de Nuuk' aaqqissuunneqarpoq. Arpattartorpassuit aasareeraangat unikaallattarnerat pinaveersaartinniarlugu aaqqissuupparput, aaqqissuisoq, Anton M. Petersen, Sermitsiaq.AG-mut oqarpoq.
Arpatitsineq ataasinngornermi novembarip 24-ani aallartinneqarmat inuit 29-t peqataapput. Ullulli ingerlanerini ikiliartuinnavissimapput.
Arpattut angusatik naapertorlugit pointinnattarput, pointeqarnerpaarlu ajugaasarluni.
Angutini ajugaasut:
- 1. Janus Eigaard
- 2. Thure Baastrup
- 3. Erik Amondsen
Arnani ajugaasut:
- 1. Uiloq Mathæussen
- 2. Nivi Geisler
- 3. Nivi Grønvold
Upernaaru assingusumik arpatitsisoqarnissaa Anton M. Petersenip naatsorsuutigaa.
Assit ataani takukkit