ukiorpassuarni sulisoq
Assit takukkit: Air Greenlandimi ukiuni 37-ni timmisartumi naalagaareerluni soraarninngortoq
Dennis V. Sullivan ukiorpassuarni sulereerluni soraarninngorpoq. Kangerlussuarmit Aasiannut angalanini puigorsinnaanngilaa
Dennis V. Sullivan Air Greenlandip timmisartuanik kingullermik angallassivoq ataasinngormat. Naggammik timmisartuussinera malunnartinniarlugu pisarnertut timmisartoq qulaallugu seqqartarneqarpoq.
Sullivan Air Greenlandimi ukiuni 37-ni timmisartortartutut atorfeqarpoq, timmisartortitseqatigiiffiullu ineriartorneranut malinnaaqataalluni. Siullermik S61-imi aquttuusarpoq, Dash 7-mi aamma aquttuusarsimalluni naggataagullu Dash 8-mi timmisartumi naalakkattut atorfeqarluni, Air Greenland Sermitsiaq.AG-mut nalunaarpoq.
Timmisartuussisarnermini S61-mik angalanini eqqaamasaqarfiginerpaavaa. Kangerlussuarmit Aasiannut angallassilluni persernera pissutaalluni nunnittariaqarsimavoq. Akunnerni aqqaneq marlunni aatsaat utaqqereerlutik ikiuisartunit Twin Ottereninit nassaarineqarput. Ilaasut eqqissisimasimaneri piumassuseqarsimanerilu Dennis V. Sullivanip eqqamavai, tassanimi ilaasut appelsiinanik sukkulaanillu tunisisarsimapput. Ilaasut nunnikkallarnerminni eqqissisimasimapput naak sila atoruminarnanilu nillersimagaluartoq, oqaluttuarpoq.
Assit ataani takukkit