Sisimiut
Assit takukkit: Aatsitassarsiornissamik isumaqatigiissut Aatsitassalerinermik ilinniarfimmi atsiorneqartoq
Qaqortorsuarmi suliniummut atatillugu iluaqutiginninnissamut akuersissut IBA-millu isumaqatigiissut Aatsitassalerinermik Ilinniarfimmi Sisimiuniittumi atsiorneqarput
Atsioqatigiinnerit Nuummi Sisimiunilu sisamanngornermi ataatsikkut pipput. Isumaqatigiissutillu kingunerisaannik Canadamiut aatsitassarsioqatigiiffiat HudsonResources aamma nunatsinni suliffeqarfiutaa Hudson Greenland tunngavissanik pisortatigoortunik inissiipput, aatsitassarsioqatigiiffillu taamaalilluni anorthositimik qalluisinnaalerluni.
Anorthosit Sisimiut Kangerlussuullu akonanni Qaqortorsuarmi, White Mountainimik taaneqartartumi, piiarneqartussaq ilaatigut glasfiberiliornermut atorneqartarpoq.
Atuaruk: Hudsonip piiaaffissaanut akuersissut ullumi atsiorneqassaaq
Hudson Greenlandip siulersuisuinut ilaasortap James K. Cambonip Qeqqatalu kommuniata borgmesteriata Hermann Berthelsenip isumaqatigiissut Sisimiuni atsiorpaat, Naalakkersuisullu, tassaasut Vittus Qujaukitsoq aamma Anda Uldum, isumaqatigiissut Nuummi atsiorlugu.
Aamma atuakkit: Piiaaffimmut isumaqatigiissut atsiorneqarpoq
Atuinissamik isumaqatigiissut ataatsikkut atsiorneqartoq