soraarummeertut
Assit takukkit: Aasianni GU-mi soraarummeersitsineq
Pingasunngormat Aasianni Avannaata Ilinniarnertuunngorniarfiani ilinniernertuut soraarummeerput
Ilinniarnertuut 78-it ukiorlu ataaseq pikkorissartut 37-it pingasunngormat Aasianni GUX-imit allagartartaartinneqarput.
Nunafonden illoqarfimmilu inuussutissarsiortut marluk ilinniartunut karakteriginnerpaanut atuanngitsoortarnikinnerpaanullu legatinik tunniussipput.
Nunafondenimmit legatit
Nunafonden agguaqatigiissillugu karakteriginnerpaanut pingasunut legatinik 10.000 koruuninik, 5.000 koruuninik 3.000 koruuninillu aningaasartalinnik tunniussivoq. Taakkua tassaapput:
Evi Lerch Upernavimmeersoq agguaqatigiissillugu karakteria 9,8.
Sandra Pedersen Ilulissaneersoq agguaqatigiissillugu karakteria 9,2.
Heidi Dalager Ilulissaneersoq agguaqatigiissillugu karakteria 8,8.
Atuanngitsoortarnikinnerpaanut kajumissaatit marluk, aappa 8.000 koruuninik aappaalu 3.000 koruuninik aningaasartallit, tunniunneqarput Manuella Hansenimut Kangaatsiameersumut Heidi Dalagerimullu Ilulissaneersumut.
Illoqarfimmi inuussutissarsiortunit legatit
Illoqarfimmi inuussutissarsiortut marluk ilinniartuni ukiumi ataatsimi pikkorissartuni karakteriginnerpaanut atuanngitsoortarnikinnerpaanullu legatinik tunniussipput.
KJ Greenland A/S-ip legatia 5.000 koruuninik aningaasartalik Mona Hansenimut Aasianneersumut tunniunneqarpoq agguaqatigiissillugu karakteriginnersaalluni 9-mik angusaanut, atisaarniarfiullu Anuni-p legatia 1.500 koruuninik aningaasartalik Petrine Sandgreen-Reimerimut Ilulissaneersumut tunniunneqarpoq, atuanngitsoortarnikinnerpaanera pissutigalugu.
Ilinniarfiup kajumissaatai
Ukiut tamaasa ilinniarfik legatinik tunniussisarpoq, gavekortinik annikitsumik aningaasartalinnik, taakkualu kimut tunniunneqarnissaat lærerrådip aalajangertarpaa. Ukioq manna kajumissaaserneqartut tassaapput:
Ukiumi tamaviaarnerpaaq: Kristiane Isaksen, 3. p Aasianneersoq.
Ukiumi qiimanerpaaq: Rudolf Villadsen, 3. t Qasigiannguaneersoq.
Ukiumi arnani ilinniartutsialak: Ane Julia Dalager, 3. p Ilulissaneersoq.
Ukiumi angutini ilinniartutsialak: Ove Zeeb, 3. t Uummannameersoq.
Ukiumi ukioq ataaseq pikkorissartutsialak: Niels Svendsen, 1. y Kangersuatsiameersoq.
Assit ataani takukkit