pilluaritsi
Assit takukkit: Aalisartut piniartullu ulluannik malunnartitsilluarneq
Aalisartut piniartullu ulluannut atatillugu Nuummi naalagiaqatigiittoqarlunilu kaffillertoqarpoq
Ullumi, pingasuunngorneq, nunatsinni aalisartunut piniartunullu ulloq immikkuullarissuuvoq.
Ulumikkummi ulloq aalisartut piniartullu ulloritinneqarpoq, tamannalu Nunarput tamakkerlugu malunnartinniarneqarpoq.
Naalakkersuisut siulittaasuat Siumumilu siulittaasoq Kim Kielsen aalisartut piniartullu pilluaqquvai. Taassuma pilluaqqussuteqarnermini aalisartut Nunatta aningaasaqarneranut tunngaviliisuunerat erseqqissaatigaa.
- Nunatta aalisartuni ataqqillugit nersorlugillu sullisissavai soorlu aalisartut annertuumik nunatsinnut sullissisuusut. Aalisartut ulluanni aalisartunut piniartunullu pilluaqqusinerput apuupparput, ilaqutaasunut nunaqqatitsinnullu tamanut, Kim Kielsen tusagassiuutinut nalunaarummi ilaatigut allappoq.
Atuaruk: Piniartut arfinillit nersorneqartut
Inuit Ataqatigiit aamma aalisartunut piniartunullu pilluaqqussuteqarput.
Tassani Hans Aronsenip partiio sinnerlugu oqaatigaa, aalisarneq pillugu suleqatigiiffiunerusariaqarluartoq.
- Silaannaap pissusaata sunniutai pitsaasut atorluarnerunissaat anguniarlugu. Aalisarnerup tamani pitsaasumik ineriartorfiusumillu suleqatigiiffiusup pisariaqartippaa ilisimatuussutikkut attuumassuteqartusi tamassi peqatigiinnissarsi. Aalisartut piniartullu ullorsiorluarnissassinnik kissaappassi. Inuiaqatigiillu tamassi aammattaaq pilluaqqullusi, taanna ilaatigut oqarpoq.
Allaaserisap ataani assit takukkit