Campus Kujalleq
Assit: Takornariartitsisartut uppernarsaammik saqqarmiulerneqartut
Campus Kujalliup sisamanngormat takornariartitsisartutut ilinniarsimasunut GUX-imi ilassinninniarluni aggersaanermi uppernarsaatinik saqqarmiulerneqarput
Campus Kujallermi forstanderi Henrik Ebbe Nielsen oqalugiarpoq. Taassuma oqalugiarnermini Campus Kujallermi kalaallit takornariartitsisartut 100-ingajaat maanna ilinniartinneqareersut oqaatigaa - Arktisk guidet/illoqarfinni takornariartitsisartut 79 aamma Adventure guidet/nunakkut takornariartitsisartut 20-t.
Taakku tamarmik Kalaallit Nunaannik ilisimasaminnik paasissutissiilluarsinnaapput misigisassaqartitsillutillu.
Takornariartitsisartut ilinniarsimasut ersarinnerulersinniarneqartut
- Campus Kujallermit maanna takornariartitsisartut ilinniarsimasut ersarinnerulernissaat kissaatigaarput, taamaattumillu ilinniarfiup tungaanit saqqarmiuliivugut, tusagassiuutinut nalunaarummi tamanna oqaatigineqarpoq.
Laila Kreutzmannip Visit Greenlandimeersup (VG) saqqarmiuliineq nersualaarpaa:
- Kikkut takornariartitsisinnaanermut piukkunnartuunersut ersarissarniarlugu Campus Kujallermit takulluarneqarsimasoq Visit Greenland isumaqarpoq, takornarissat takornariartitsisartunut tatiginninnissaat toqqissisimanissaallu pingaaruteqarmat. Kalaallit Nunaanni takornariartitsisarnermi ineriartornermi ingerlaqqinnissami pitsaassutsimik kivitsisoqarnissaanik pisariaqartitsisoqarpoq, saqqarmiorlu aqqutissiueqataavoq.