Sulorarneq

Assit: Sulorartartut toqqakkat Danmarkimi sungiusaqatigiittut

Badminton Kalaallit Nunaat sinnerlugu sulorartattut 16-it Danmarkimi sungiusaqatigiisinneqaqqammerput. Nunanut allanut sungiusaasunngoqqammersoq Rune Svenningsen sungiusaatinneqarpoq

Sungiusaqatigiit Aarhusimiittut Badminton Kalaallit NunaatNuka Mark Nielsen: Iligiiaarnermi ajugaasut Badminton Kalaallit NunaatMilka Brønlund, Karsten M. Andersen aamma Nuka Mark Nielsen ujammitik takutikkaat Badminton Kalaallit NunaatBror Madsen unammisoq Badminton Kalaallit Nunaat

Sulorarnermik unammisartut toqqakkat Danmarkimi Aarhusimi sungiusaqatigiisinneqaqqammerput. Island Gamesertoqarnissaanut Jerseymi pisussamut sungiusaqatigiittoqarpoq. Nunanut allanut sungiusaasunngoqqammertoq Rune Svenningsen sungiusaasuuvoq.

Badminton Kalaallit Nunaat tusagassiutinut nalunaaruteqarpoq.

Aarhusimi Idrætshøjskolemi sungiusaqatigiittoqarpoq, marsip qulinganit 13-at ilanngullugu sungiusaqatigiillutik. Inersimasut Koldingimi unammisaqattaarnernut ilaatinneqarput, inuusuttut Hørningimi unammitinneqarlutik.

Inersimasut unamminerat
Kolding BK-mi unamminermi kalaallit B-rækkemut peqataasussaagaluit peqataasut ikippallaarneri pissutaalluni A-rækkenimut unammisinneqarput.

- Pikkorissorsuarnut unammipput, Bror Madsen kisiartaalluni ingerlaqqilluni. Kalaallit peqataasut allat ataaseriaannarlutik unammipput, sulorartartut kattuffiannit allattoqarpoq.

Inuusunnerit ingerlalluartut
Hørningimi inuusuttut unamminerat pitsaaneruvoq. Milka Brønlund, Karsten M. Andersen aamma Nuka Mark Nielsen B-rækkenimi unammeqataapput.

- Naatsorsuutigisamit angusarissaarnerupput, ajugaasiunnernilu unammillutik. Milka Brønlund marloriarluni aappaattut inissippoq, Nuka Mark Nielsen ataasiakkaarnermi ajugaavoq, kiisalu Karsten M. Andersenilu marlukkaarnermi ajugaallutittaaq. Inuusuttut angusarissaarluarput, tusagassiutinut nalunaarummi nalunaaruteqartoqarpoq.

Nunatsinni sulorarnermik pissartanngorniunnerit Aasianni poorskikkunni ingerlanneqassapput.

Assit ataani takukkit

Powered by Labrador CMS