Sisimiut Skatecamp

Assit: Sisimiuni niviarsiaqqat skatebordertut

Sisimiuni Skatecamp ataasinngorpat aallarteqqissaaq - niviarsiaqqat amerlanerusut peqataaqquneqarput. Aaqqissuussinermut niviarsiaqqat amerlanerusut 13-leereersimasut peqataanissaat neriuutigineqarpoq

Urban Greenland/Skateducate Urban Greenland/Skateducate Urban Greenland/Skateducate Urban Greenland/Skateducate Urban Greenland/Skateducate Urban Greenland/Skateducate Urban Greenland/Skateducate Urban Greenland/Skateducate Urban Greenland/Skateducate Urban Greenland/Skateducate

Sisimiuni niviarsiaqqat maannakkut skateborderput illoqarfimmilu graffitilioqattaarlutik. Sisimiut Skatecampeqarnerani taamaasiorput.

Niviarsiaqqat skateboardernermik sungiutaatigalutik graffitip oqaluttuassartaanik ilinniartinneqarput.

Niviarsiaqqat ineriartorfigisinnaasaanik pilersitseqataarusullutik aaqqissuisut nalunaarput.

Niviarsiaqqanuinnaq
Niviarsiaqqat arfineq pingasunit aqqaneq marlunnut ukiullit ataasinngormat skatecampimut peqataalerput.

Periaatsinik assigiinngitsunik sungiusartinneqarput, niviarsiaqqallu ilikkalertupallattut aaqqissuisunit maluginiarneqarpoq.

- Nukappiaqqat skateboarderaangata niviarsiaqqat inissaqartinneqarneq ajorput. Niviarsiaqqat inissaqartinniarlugit taama aaqqissuussivugut, aaqqissueqataasoq Natalia Genét oqarpoq.

Aamma graffitit pillugit ilinniartinneqaput.

- Pisinnaalersitsinissamik aamma ilinniarfiuvoq. Niviarsiaqqat aggeqqaaramik pisinnaanatik oqarput. Taava ullup aappaani nalornipput, aqaguanilu pisinnaasaqarlutik oqartalerput. Naggataagut imminnut tatiginerulersimassapput, Natalia Genét oqaluttuarpoq.

Ataasinngorpat aallartittoqaqqissaaq
Skatecamp nutaanik peqataasoqarluni ataasinngorpat aallarteqqissaaq. Aaqqissuisut neriuutigaat niviarsiaqqat 13-leereersimasut amerlanerusut peqataanissaat.

- Skateboardernermi periaatsit ajornannginnersaat aallartitsissutigineqartarput. Aallartittut nammineerlutik skateqartariaqanngillat, oqarpoq.

Sisimiut Skatecamp Urban Greenlandimit aaqqissuunneqarpoq, Nuummi skateboardertarfimmik sananikuupput kiisalu Sisimiuni aamma skateboarderfigineqarsinnaasumik sanallutik.

Assit ataani takukkit

Powered by Labrador CMS