Sisimiut
Assit: Sisimiuni klassit unammisut
Teknikkimik Ilinniarfimmi ilinniartut 300-t tallimanngormat timersorput - klassillu 16-it akornanni pointeqarneqqusaalluni unammisoqarpoq
Ilinniarfinni GUX-Sisimiut, GSK (pikkorissartut) aamma Sanaartornermik Ilinniarfimmi ilinniartut 300-t missaanniittut atuarnermut taarsiullugu ullormi tallimanngornermi timersorput. Tamanna GUX-imit aaqqissuunneqarpoq.
Sammisat nuannersut aamma sakkortuut
Ilinniartut klassikkaarlutik sammisat assigiinngitsut arfineq-pingasut unammissutigaat, kalattuullaqqinniunneq, timersorluni isiginnaartitsineq, pingvinitut arsaanneq, kamippannik igeriuttaarineq, eqqaanneq aamma arpanneq allallu.
Sammisat tamarmik minutsinik 20-nik sivisussuseqartarput, klassillu tamarmik 1-miit 10 pointimik tunineqartarput. Klassi katinnerani pointeqarnerpaasoq ajugaavoq.
Tamarmik ajugaaffigigaat
Sanaartornermut nukissiornermullu klassimi GUX-imeersut tamaasa ajugaaffigaat, 3.X ajugaapput, 1.X tulliupput 2.X pingajuattut inissipput.
Sammisaqartitsinerit GUX-ip silataani iluanilu ingerlanneqarput, nalunaaqutaq 08.45-mit nalunaaqutaq 14.00 tungaanut. Klassi amerlanerpaanik pointinnattoq atuarfiup kantiinaani nalunaaqutaq pingasunut suaarutigineqarpoq.
Ajugaasut kulturip illuani nerinissamut aamma biografernissamut pinnapput.
Allaaserisap ataani assit takukkit