Sisimiut
Assit: Sisimiuni aallaasersortut illut sisamat eqqorpaat
Sisimiuni marlunngornermi aallaasersortoqarnerata kingorna nukappiaqqat ukiukiutsut marluk tigusarineqarput
Marlunngornermi nalunaaqutaq 12.05 aallartittumik Sisimiuni aallaasersortoqarnerani illut sisamat eqqorneqarput. Inunnik ajoqusertoqanngilaq aallaasersortullu nukappiaqqat 13-nik 14-nillu ukiullit ualilluinnarnerani tigusarineqarput.
Atuaruk: Sisimiuni aallaasersortoqarpoq
Nukappiaqqat luftgesværimik qoorortuuaqqamilu seqquusarsimapput nukappiaqqap aappaata angerlarsimaffianiik. Illut sisamat eqqorneqartut ilaanni inuit marluk isersimasimapput.
- 20-it missaannik igeriartoqarsimavoq. Tamatuma kingorna nukappiaqqat eqqaavissuup ungasinngisaanut qimaasimapput. Isumaqatigiinniartartoq atorlugu nukappiaqqat attavigineqarput nalunaaqutarlu 17.10 tunniutiinnarput, Qeqqani politiini vicepolitikommissær Johan Davidsen Sermitsiaq.AG-mut oqarpoq.
Bolethe Aqquserna eqqaavissuullu eqqaani aqquserngit qatserisartut suleqatigalugit assersorneqarput. Assersuineq nalunaaqutaq 17.10 unitsinneqarpoq.
- Taamatut assersuivugut innuttaasuty illersorniarlugit, Johan Davidsen erseqqissaavoq
Nukappiaqqat ukiukitsuunerat pissutigalugu eqqartuussiviit aqqutigalugit malersorneqassanngillat. Inunnik isumaginnittoqarfimmit maanna isumagisassanngortinneqarput.