silarluk

Assit: Silarluttumi biilit ajutoorput

Nuummi Mittarfimmut aqqusinermi biilit arlallit ajutoorput. Aqqusineq politiit matugallarpaat

Nuummi aqquserngit quatsermata anoraasuanerillu sakkortummata biilertut ilaasa biili iluamik aqussinnaajunnaartarpaat Leiff JosefsenNuummi mittarfimmut aqqusineq politiit matugallarpaat Leiff JosefsenBiilinik ingerlaassagussi mianersussaasi, politiit nalunaarput Leiff Josefsen

Nuummi Mittarfimmut aqqusineq Nuup tungaanut sammisoq matuneqarallarpoq. Mittarfimmut aqqusineq Qinngutsinnut sammisoq suli ammavoq. Aqquserngit quasaqimmata anoraasuanerillu sakkortummata aqqusinermi angallattut politiit mianersoqquaat.

Atuaruk: Timmisartut kinguaattooqqipput

Biilit arlallit Nuummi Mittarfiup aqqutaani aqquserngup sinaanut nakkarsimapput aqquserngit quasallutillu sakkortuumillu anoraasuasarnerit pissutigalugit.

- Qujanartumik inunnik ajoqusertoqanngilaq. Kisianni silassaq malillugu anori ullup ingerlanerani sakkortusiartortussaavoq. Taamaammat Mittarfimmut aqqusineq matugallarparput. Taamaattoq Qinngutsinniit mittarfiup tungaanut aqqut ajorpallaanngilaq. Taanna aqqut maanna ammagallarpoq, Nuup politiivi Sermitsiaq.AG-mut nalunaarput.

Powered by Labrador CMS