Nuuk
Assit: Sermersuup ukiortaami ilassinninnera siulleq
Marlunngorneq januaarip ulluisa aqqaneq-aappaanni Kommuneqarfik Sermersuumi borgmesteri, Asii Chemnitz Narup, Nuummi eqqumiitsuliornermut katersugaasivimmi ukiortaami ilassinninnissamut qaaqqusivoq.
Kommuneqarfik Sermersooq aatsaat siullermeerluni ukiortaami ilassinninnermik aaqqissuussivoq, ilassinnittoqarlunilu ukiortaami pilluaqqusisoqarpoq
Tamanna Nuummi eqqumiitsuliornermut katersugaasivimmi marlunngornermi pivoq.
Assit takukkit: Kielseni ukiortaami ilassinninnermut qaaqqusivoq
Borgmesteri Asii Chemnitz Narupi ukiortaami ilassinninnermi tikilluaqqusisuuvoq. Kommuni 2015-imut pitsaanerpaanik naatsorsuuteqarsimanngitsoq taassuma ilaatigut oqaatigaa.
- Taamaakkaluartoq ilimagisatsinnit pitsaanerujussuarmik ingerlasimavugut, ukiorlu 2015-ip kingumut qiviarnerani tulluusimaarutissaqarlutalu nuannaarutissaqarpugut. Neriuppunga, tamakku 2016-imi attatiinnarsinnaagivut, suliassammi annertuut amerlasuut siunitsinniipput, borgmesteri oqarpoq.
- Suliffeqarfiit nutaat pitsaasullu pilersinneqarput sanaartornerullu tungaatigut suliassat annertuut aallartinneqarlutik, tamakkuli isumaminnik takkutinngillat, taamaattumik kommunitsinni pitsaasumik ineriartornitta attatiinnarnissaanut unnuk manna immitsinnut neriorsoqatigiissinnaanissarput neriuutigaara, ilanngullugu oqarpoq.
Nipilersoqatigiit Torluut aammalu inuusuttoq erinarsortartoq Thelma Kajdóttir Lyberth aliikkusersuisuupput.
Allaaserisap ataani assit takukkit