assammik arsarnermi GM

Assit: SAK marloriaammik pissartanngorpoq

Assammik arsarnermi U-18-it unammersuarnerat naammassivoq. Assit angusallu takukkit

Assammik arsarnermi U-18-ni arnani pissartat: SAK Sisimiuneersoq Jens KarlsenAssammik arsarnermi U-18-ni angutini pissartat: SAK Sisimiuneersoq Jens KarlsenArnani sølvinnattut: GSS Nuummeersoq Jens KarlsenAngutini sølvinnattut: GSS Nuummeersoq Jens KarlsenArnani bronzennattut Kâgssagssuk Maniitsumeersoq Jens KarlsenAngutini bronzennattut Nagtoralik Paamiuniik Jens KarlsenArnani ukiup iligiivi Jens KarlsenAngutit ukiup iligiivi Jens Karlsen

SAK Sisimiuneersoq arnani angutinilu pissartanngorpoq assammik arsarnermi U-18-it unammersuarnerat tallimanngornermi Sisimiut timersortarfianni naggataarneqarmat. SAK aamma GSS Nuummeersoq finaleni tamaginni unammipput.

Inuusuttut assammik arsartartut arlallit qanittumi inersimasut Nuummi unammersuarneranni peqataasut U-18-ut unammersuaqataapput aammalu takutitsilluaqqillutik.

SAK qularnaatsumik arnani angutinilu ajugaavoq. SAKp arnartai finalemi GSS-imut 33-23-mik ajugaapput SAKllu angutitai finalemi aamma GSS-imut 32-27-mik ajugaallutik.

Ukiup iligiivi

Nagtoralik Paamiuneersoq angutini bronzennapput bronzennanniunnermi Kâgssagssuk Maniitsumeersoq 32-26-mik ajugaaffigalugu. Arnani Kâgssagssuk Maniitsumeersoq bronzennattuuvoq bronzennanniunnermi Holdfællesskab 21-17-mik ajugaaffigalugu.

Pissartanngorniunnerit naggataarneqarneranni ukiup iligiivinik toqqaasoqarpoq.

Arnani ukiup iligiivi tassaapput:
Aquttoq: Sascha Kleist, Holdfællesskab
Talerpiani isorleq: Monika Nielsen, GSS
Saamiani isorleq: Heide Kreutzmann, S.A.K.
Titarnerup killingani: Ivâna Meincke, GSS
Backi talerperleq: Pilunnguaq Jørgensen, S.A.K.
Backi saamerleq: Anja Heilmann, S.A.K.
Qeqqani aqutsisoq: Clara Nielsen, S.A.K

Angutini ukiup iligiivi tassaapput:
Aquttoq: Nikki Davidsen, S.A.K.
Talerpiani isorleq: Maxwell Frederiksen, GSS
Saamiani isorleq: Frans Lennert, S.A.K.
Titarnerup killingani: Maasi Kristensen, Norsaq HC
Backi talerperleq: Nikolaj Nielsen, Kâgssagssuk
Backi saamerleq: Nukannguaq Salomonsen, S.A.K.
Qeqqani aqutsisoq: Søren Kreutzmann, Kâgssagssuk

Inaarutaasumik inissinnerat isertitsinerpaallu allassimaffiit linkini talerpiatungaani aakkit

Assit ataani takusinnaavatit

Powered by Labrador CMS