KL

DK

Avannaata Qimussersua

Assit: Qimussimik sukkaniuteqataasut naggataarnersiortut

Naak piffissap sivikitsup ingerlanerani Avannaata Qimussersua Aasiannit Ilulissanut nuunneqaraluartoq, qimussimik sukkaniunneq ingerlanneqarluarsimasutut nalilerneqarpoq, KNQK-mi siulittaasoq Mikkel Jeremiassen oqarpoq

William Jensen Avannaata Qimussersuani ajugaasoq Ilulissat timersortarfianni qaqinneqartoq
William Jensen Saqqameersup ajugaanerani tunissutissani tigummagu inunnit nuannarineqaqaaq
Qimussimi sukkaniunnermi sukkanerit tallimat, talerperlermit: William Jensen, Nikolaj Therkelsen, Isak Siegstad, Søren Davidsen kiisalu Andreas Broberg
Naggataarnersiornermi inuit 600-t missaat peqataapput
Nalunnginneqarluartut naggataarnersiornermi peqataapput
Qimussimi sukkaniunnermi sukkanerit tallimat, talerperlermit: William Jensen, Nikolaj Therkelsen, Isak Siegstad, Søren Davidsen kiisalu Andreas Broberg Arne MølgaardNaggataarnersiornermi inuit 600-t missaat peqataapput Arne MølgaardNalunnginneqarluartut naggataarnersiornermi peqataapput Arne MølgaardWilliam Jensen Avannaata Qimussersuani ajugaasoq Ilulissat timersortarfianni qaqinneqartoq Arne MølgaardWilliam Jensen Saqqameersup ajugaanerani tunissutissani tigummagu inunnit nuannarineqaqaaq Arne MølgaardQimussimi sukkaniunnermi sukkanerit tallimat, talerperlermit: William Jensen, Nikolaj Therkelsen, Isak Siegstad, Søren Davidsen kiisalu Andreas Broberg Arne MølgaardNaggataarnersiornermi inuit 600-t missaat peqataapput Arne MølgaardNalunnginneqarluartut naggataarnersiornermi peqataapput Arne MølgaardWilliam Jensen Avannaata Qimussersuani ajugaasoq Ilulissat timersortarfianni qaqinneqartoq Arne MølgaardWilliam Jensen Saqqameersup ajugaanerani tunissutissani tigummagu inunnit nuannarineqaqaaq Arne MølgaardQimussimi sukkaniunnermi sukkanerit tallimat, talerperlermit: William Jensen, Nikolaj Therkelsen, Isak Siegstad, Søren Davidsen kiisalu Andreas Broberg Arne Mølgaard
Arne Mølgaard, Ilulissat

Avannaata Qimussersua arfininngormat ingerlanneqartoq pitsaasumik ingerlanneqarsimasoq nalilerneqarpoq.

Qimussimik sukkaniuteqataasut 35-it illoqarfimminnut nunaqarfimminnullu umiarsuanngikkunik helikopterimik angerlakaaleruttorput.

Unammeqataasut arfininngornerup unnukkuani Ilulissat timersortarfianni naggataarnersiortinneqarmata inuit 600-t missaanniittut peqataapput. Nereqatigiinneqarpoq oqalugiartoqarlunilu, ajugaasullu akissarsitinneqarlutittaaq. Tunniussinerni ilaatigut nuannaarnerup pianik nilliasoqartarluni.

Kalaallit Nunaanni Qimussertartut Kattuffianni siulittaasup Mikkel Jeremiassenip naak aaqqissuisut qaammat ataasiinnaq aaqqissuinissaminnut piffissaqarsimagaluartut Ilulissani qimussimik sukkaniunneq pitsaasumik ingerlanneqarsimasoq nalilerpaa.

- Naak qimussimik sukkaniuteqataasut marluk aallajaarnertik pissutigalugu tunuartitaagaluartut, sukkaniuteqataasussarlu ataaseq unammeqataasinnaanngitsutut nalilerneqaraluartoq (imigassartorsimanera pissutaalluni) qimussimik sukkaniunneq ilimagisamit pitsaanerusumik ingerlanneqarpoq, qimussimillu peqatigiiffiit Ilulissanit aamma Kangaatsiamit qujassuteqarfigaakka. Taakkumi sukkaniunnissaq tamakkiisumik aaqqissorpaat, Mikkel Jeremiassen Sermitsiaq.AG-mut oqarpoq.

Avannaata Qimussersua Qeqertarsuarni aappaagu ingerlanneqassaaq.

Allaaserisat Avannaata Qimussersuanut attuumassuteqartut atuakkit

assit nunatsinnit inuiagatigiit
Powered by Labrador CMS