Assit: Nuup talittarfiani dieselimik kuuttoortoq

Nuummi qatserisartut nalunaaqutaq 10.00 kalerrinneqarput Nuup talittarfiani uuliamik ikummatissamik kuuttoqarneranik nalunaarfigineqarlutik. Kuuttoortoq dieseli assersorneqarpoq, seerisimasullu katersorneqarlutik.

Dieseli 500 literi immamut siammarsimassasoq qatserisartut ittuata Knud Petersenip oqaatigaa.

- Polar Oilip ruujoria dieselimik seerilersimavoq. Ruujorip poortorneqarnerani ajortissimassaaq, Knud Petersen oqarpoq.

4.000 literi dieseli millugummik qaqinneqareerpoq. Assersuinerli avataatigut aamma kuuttoortoqarluni.

- Annertuallaanngilaq, aalanngorumaarlunilu, Knud Petersen oqarpoq.

Qatserisartut nalunaaqutaq 12.00-ip missaani suli talittarfimmi ulapputigaat.

Assit ataani takukkit