Nuuk
Assit: Nuummi tilluunnerit pissanganartut napparsimaviliaassinerlu
Tilluuttartut Nuummeersut, Qaqortumeersut Islandimeersullu Nuummi arfininngormat unammipput. Assit angusallu takukkit
Unamminermi dommerip uniinnartitsinerat pointinillu kisitseqattaarnerit aqqusaarlugit tilluuttartut Fight Club Nuummeersut, BK Qaqortoq aamma HFR Islandimeersut Nuup timersortarfiani arfininngormat tilluunnermik unammipput.
Tilluunnermik unamminerit Fight Club Nanoq aaqqissuisuuvoq, tassanilu unamminerit arfineq pingasut ingerlanneqarput.
Angutimmarik Jakobsen BK Qaqortumeersoq unammereernermi kingorna napparsimaviliaanneqartariaqarsimavoq.
Tilluunnermi unammisitsinerit allat assigalugit Nuummi tilluutitsisoqarnerani isiginnaartut nuannisartorujussuupput.
Angusat takukkit kiisalu Fight Club Nanumi sungiusaasup Peter Siegstad Abelsenip oqaasii aamma atuarneqarsinnaapput.
- U15 - 53 kilo: Raama Nielsen, Qaqortoq, unammillugu Minik Bernhardtsen aamma Qaqortumeersoq. Takutitsilluni unammineq
- Elite - 75 kilo Thomas Kristoffersen - Steve Mathæussen unammillugu
- Thomas Kristoffersen unammineq unitsiinnarneqareersoq ajugaavoq.
- Arnat U19 - 69 kilo: Arnajaraq Bibi Bjerge, BK Qaqortoq, unammillugu Margrét guðrún Svavarssdóttir Islandimit HFR-imeersoq
- Unammineq dommerip unitsiinnarpaa Arnajaraq Bibi Bjergelu ajugaalluni. Ajugaasoq takutitsilluarpoq
- U17 - 63 kilo: Aninnguaq Eigaard unammillugu Arnar Smári Þorsteinsson HFR
- Aalajiisut pingasuusut aalajangerpaat Aninnguaq Eigaard ajugaasoq. Unammisut tamarmik takutitsilluarput.
- Elite - 69 kilo: Dennis Lorentzen unammillugu Björn Björnsson, HFK
- Björn Björnsson ajugaavoq dommeriusup unammineq unitsereeraalu.
- Elite - 69 kg: Muku Jessen unammillugu Frederik Semsen, Nanortalik
- Muku Jessen ajugaavoq. Frederik Semsen immikkoortumi siullermi eqqorneqareernermi kingorna uniinnarpoq.
- Elite - 91 kilo: Angutimmarik Jakobsen, Qaqortoq unammillugu Tómas E Ólafsson, HFR
- Angutimmarik immikkoortumi siullermi ajugaagaluarpoq, kisianni immikkoortut pingajuanni dommerip unamminerup unitsinneqarnissaa aalajangerpaa. Tómas E Ólafsson ajugaavoq.
- Elite - 81 kg Jakob Møller unammillugu Magnús Bjarki Snæbjörns Æsir
- Unamminermi pingaarnermi Jakob Møller ajugaavoq. Unamminermi aalajangiisuusut tamarmik ajugaanissaa aalajangerpaat. Unamminerat pikkunarpoq, tamarmimmi sukataarput.
Aninnguaq Eigaard unamminermi teknikeriginnerpaatut toqqarneqarpoq, Tómas E Ólafsson sukataallaqqinnerpaatut toqqarneqarluni.
Assit ataani takukkit