isiginnaagassiaq
Assit: Nuummi silami takutitsinersuaq arfininngornermi sapaammilu
Takutitsinermi ilaatigut cirkusimik isiginnaagassiamillu takutitsisoqassaaq - Nuutoqqami ingerlanneqassaaq
Svenn Syrinip Facebookimini allappoq pisussaq suliaq annertusoq, tassani naggueqatigiit inuit oqaluttuartariaasiat cirkusilu ataatsimut katunngullugit takutitsisoqassalluni silami.
Assigiinngitsut takutinneqassapput, soorlu innermik igeriussilluni takutitsinerit, siku, klovniusaartoq, cirkussi, takutisinerlu taaguuteqartinneqarpoq 'Toqqortanit'. Nuummi arfininngorpat sapaatiuppallu takutitsisoqassaaq.
Takutitsineq nalingisaasuunavianngilaq.
Tassami takutitsinermi takutinniarneqassaaq qanga inooriaatsit inuunermilu nutaanersumi inooriaatsip akerleriissutigisartagaat.
Kalaallit Nunaata Isiginnaartitsisarfianeersut Svenn Syrinip Makka Kleistillu isiginnaagassiaq suliaraat. Ukiuni arlaqartuni isiginnaagassiaq piviusunngortinniarlugu suliaraat.
Svenskit takutitsinissani sulerusussuseqarnerat takutinneqassasoq Svenn Syrinip oqaatigaa.
- Nukiit pitsaasut nunameersut nunaniillu allaneersut svenskit suliaraat, Svenn Syrin oqarpoq.
Klovniusaartartut Nalle Laanela aamma Wille Christiani tassani eqqartorpai (Burnt out Punks).
- Taakku suleqataasimanngitsuuppata suliaq iluatsissimanavianngikkaluarpoq.
Assi ataani takukkit