Akisuanerit 2013

Assit: Nuummi rockimik nipilersorput

Akisuanerit Festivali Nuummi sakkortuumik rockerluni aallartinneqarpoq

Malik Kleist nuannarineqarluarpoq Leiff JosefsenMalik Kleistip nipilersortartui sakkortuumik rockerput Leiff JosefsenRappertartoq Maasi Pedersen Malik Kleistikkunni erinarsoqataavoq Leiff JosefsenSøren Huss Nunatsinni siullermeersumik Nuummi tusarnaartitsivoq Leiff JosefsenSøren Huss 2008-mi kisimiileramili ingerlalluarsimavoq Leiff JosefsenSøren Huss keyboard-erpoq guitarerlunilu Leiff JosefsenTulleriit Qeqertarsuatsiaaneersut tallimanngormat unnukkut tusarnaartitseqataapput Leiff JosefsenNukannguaq Zeeb, Tulleriit, Kalaalerpalaaq erinarsorpaa Leiff JosefsenTulleriit ukioq manna cd-mik saqqummersitseqqaarput ´Ituinnerat´ Leiff JosefsenJenseeraq Sisimiuneersoq Leiff JosefsenJenseeqqap ilaatigut atorpaa ´Arraannguaq´ Leiff JosefsenMagnetic Northpole heavy rockimik nipilersorput Leiff JosefsenMagnetic Northpole 2001-imiilli nipilersoqatigiilerput Leiff Josefsen

Leiff JosefsenLeiff JosefsenLeiff JosefsenLeiff JosefsenLeiff JosefsenLeiff JosefsenLeiff JosefsenLeiff JosefsenLeiff JosefsenLeiff JosefsenLeiff JosefsenLeiff JosefsenLeiff Josefsen

Nuka Jørgensen

arfininng 05. okt 2013 14:16

Annonse

Rockernermi guitari atorlugu Malik Kleist kulturip illorsuani Katuami scenemi saqqummeqqippoq. Ukiuni arlalinni uninngareerluni angisuumik tusarnaartitsinerisa siullersaraat. Taanna cd-mik saqqummersitseqqammerpoq atilimmik "Nammineq uanga".
Erinarsukkat ´aliortugaasutit naluiuk´ aamma ´Nammineq uanga´ tusarnaartunit nuannarineqarluarput, Malik Kleist tallimanngormat unnukkut tusarnaartitsimmat. Taanna Chilly Friday-mi, ukiut tusintit nikinnerisa missaani nuannarineqarluarsimasumi, siuttuuvoq. Nipilersoqatigaa Chillu Friday-mi guitarertartorisimasani Angunnguaq Larsen.
Jenseeqqap Sisimiormiup saqqummersitaa ´Qaammatip tungaanut´ aamma nuannarineqarluarsimavoq. Tusarnaartut erinarsukkat ´Arraanngunaq´ aamma ´Lalalaa´ nuannarilluarpaat, tallimanngormallu unnukkut erinarsoqataasarlutik.
Qallunaaq taalliortartoq erinniortartorlu Søren Huss, Saybia-mik nuannarineqarluarsimasoq, tallimanngormat unnukkut siullermeersumik Nunatsinni tusarnaartitsivoq.
Nipilersoqatigiit Saybia 2008-mi avissaarput, taamanikkunniillu Søren Huss kisimiilluni nipilersortalerpoq. Taassuma manna tikillugu saqqummersissimavai ´Troen & Ingen´ aamma ´Oppefra & Ned´. Taanna Nuummit angerlaruni Danmarkimi tusarnaartitseqattaarluni angalassaaq.
Aamma heavymertal rockimik nipilersortoqarpoq, tassaappullu Magnetic Northpole Nuummeersut, 2001-imiilli nipilersoqatigiilersimasut. Aamma taakku tusarnaartunit nuannarineqarluarput.
Taamaapputtaaq ´Tulleriit´ Qeqertarsuatsiaaneersut, taakkualu aasaq siullermeersumik cd-mik saqqummersitsipput, erinarsugaat ´Tarnilunneraannartungaana´ aamma ´Kalaalerpalaaq´ radiokut atorneqakulasarlutik.
Akisuanerit Festival arfininngornermi unnukkut nangissaaq tassani nipilersussallutik Rockstone, Teitur Savalimmiuneersut, Small Time Giants, Kimmernaq aamma Naneruaq.