Ikiuerasuarneq
Assit: Nunatta kujataani annaassiniaaneq
Angallat inunnit 14-nit ilaaffigineqartoq ikkarlimmat annaassiniaasoqarpoq. Angallammi ilaasut tamarmik annaanneqarput
Aasiaat Radioatigut Mayday-eertoqarmat, annaassiniaasartut 'Tulugaq' Qaqortup eqqaaniippoq sapaatiummat. Angallat angivallaanngitsoq Qaqortup eqqaani ikkarlimmat ikiuipput.
Tulukkami sulisut nunap assinganik misissuinerminni nalunaaqutaq 12.00 paasivaat akunnerit marlunni angalanermi ikkarliffiusoq tikinneqarsinnaasoq.
Aasiaat Radioatigut nalunaarutigineqarpoq angallat 14-nik ilaasoqartoq, tassani meeqqat qulingiluaallutik inersimasullu sisamaallutik. Angallat ikkarlinnini pissutigalugu imertaningaatsiarpoq. Annaassiniaasartut aggernissaata tungaanut annanniutaasinnaasut tamaasa atorneqarput.
Annaassiniaasartut 'Tulugaq' nalunaaquttap 14.00-ip missaani apuummata gummibådimik ilaasut ikineqarput, meeqqat siulliunneqarlutik. Aamma angallat qanoq annertutigisumik ajoqqusersimanersoq misissorneqarpoq. Meeqqat qujanartumik ajutoortoqarnera annertunerusumik sunniuteqqanngillat.
Meeqqat angallanneqareermata inersimasut aamma nunaliaanneqarput, angallammili aquttoq maskiinalerisullu angallat imertanippallaannginnissaa sulissutigalugu.
Suleqatigiilluarneq
Immap ulinnginnerani angallat Tulukkami sulisut angallammilu aamma sulisunit suliarineqarpoq, qujanartumillu imermik isaasoqarunnaarluni.
Tassanngaannit angallat Qaqortumut kalinneqarpoq, Qaqortumilu aamma ilaqutaasut utaqqillutik.
Angajoqqaat ilaat toqqissiallallutik qialaarput, tamarmillu ajornatik apuummata toqqissiallallutik.
Assit pingasut ataani takukkit