Nuuk
Assit: Nordisk Koncertkorip aamma Nanookkut tusarnaartitsinerat pikkunartoq
Pikkunartumik tusarnaartitsisoqarpoq Katuami marlunngormat
Nipilersortartut Nanook aamma Nordisk Koncertkorip Nuummi Katuami tusarnaartitsinerat naammassimmat tusarnaariartut tusarnaartitsisunut nersorinnipput.
Nanook-ip nipilersugaliai assigiinngitsut nutaaliamik atorneqarput, erinarsoqatigiillu nutaamik misilittangaqalerlutik, tassa siullermeerlutik guitarertoqarput, tumerparpaartoqarout pattattoqarlutillu.
Nordisk Koncertkor erinarsukkanik assigiinngitsunik atugaqartarnerannut nalunnginneqarput, nipilersoriaatsitigut oqaatsillu eqqarsaatigalugit. Nordisk koncertkor nipilersoqatigiit assigiinngitsut arlaleriarlutik tusarnaartitseqatigisareerpaat, soorlu erinarsukkatik nipilersuutilersornagit imaluunniit pattattulerlutik tusarnaartitsinikuullutik.
Taamaattumik Nanookkut nipilersoqatigimmassuk iluatsilluarpoq nuannarineqarluarlutillu.
Tusarnaartitsinermi assilineqartut ataani takukkit