Assit nipitallit: Hans Egedep Oqaluffiani poorskimi tusarnaartitsineq

Hans Egedep Oqaluffiani marloriarluni poorskimi tusarnaartitsisoqarpoq sapaatiummat. Tusarnaartitsinermi siullermi Sankt Annæ Pigekoret Københavnimeersut KNR-imiillu Qupannavaat tusarnaartitsipput.

Poorskimi tusarnaartitsineq marlunngorlugu avinneqarpoq, utoqqarnut naleqquttoq aappaalu tamanut naleqquttoq. Erinarsoqatigiit orkesterillu assigiinngitsut Nuummeersut tusarnaartitsipput. Sankt Annæ Pigekor aamma Qupannavaat siullermi tusarnaartitsipput, kulturikkut illorsuarmi Katuami tusarnaartitsinissartik pissutigalugu tusarnaartitsinermi tulliuttumi peqataanatik.

Tusarnaartitsineq naggaserlugu poorskikkunni atorneqartartoq ’Aliannaallingaarluni’ tusarnaartitsisut tamarmik ataatsikkoorlutik atorpaat.

Leiff Josefsenip assilisai isiginnaarneqarsinnaapput, ’Aliannaalllingaarluni’ atorneqartoq tusaaneqarsinnaalluni.

KNR radiop tusarnaartitsineq immiuppaa poorskikkunnilu raatiukkut aallakaatissallugu.

Video qulaani takuneqarsinnaavoq