Illoqqortoormiut
Assit: Nannut illoqarfimmiittut
Pingajoqqat Illoqqortoormiuni nerisassarsiorput
Nanoq marlunnik angisuunik piaralik Illoqqortoormiuni sisamanngornermi ullaap tungaa innuttaasunit isiginnaarneqarpoq. Nannut unnuaammat illoqarfimmi angalaarsimannguatsiarput ilaatigut puisip amii nerisimallugit.
Illoqqortoormiut eqqaata ilarujussua maanna sikoqanngilaq. Ukiup taamaasinerani nannut avannamut ingerlaartaraluarput aasaanerani avannaarsuarniittaramik. Aqqutissaalli pingaarutilik sikuusaraluartoq maanna imaannarsuuvoq.
Nannut pingajoqqat maanna Illoqqortoormiut eqqannguanniipput. Pingasunngornerup sisamanngornerullu unnuaanni puisip amiinik sissamiittunik nerisimasut Lauritz Schönfeld nannunik assiliisoq oqaluttuarpoq.
Nannut arrinatik illoqarfik qimakkiartorpaat taarsineranilu tarrillutik. Piniartut ilimagaat unnuaanerani illoqarfimmut nerisassarsioqqinnissaat.
Nannut assigi ataani takusinnaavatit taakkulu sisamanngornermi ullaap tungaa assilisaapput