NunaMinerals

Assit: Naalakkersuisut Nunaminerals pillugu siunnersuutaat itigartinneqarpoq

Nunaminerals nunat tamalaat niuertut aningaasarsiuteqartullu niueqatigiittarfiannut ilaasortanngorusuppoq. Aningaasaliisut Londonimeersut neriuutigaat Nunamineralsip ingerlaqqiinnarnissaa. Taamaakkaluartoq iliusissamik nassaartoqanngippat matuneqariaannaavoq, siulersuisuni siulittaasoq Birks Bovaird oqarpoq

Naalakkersuisut siulittaasuat Kim Kielsen Siumut
Ole Christiansen, Nunamineralsip pisortaanera
Ole Christiansen nassuiaasoq
Birks Bovaird, Nunamineralsip siulersuisuni siulittaasua
Nunamineralsip ataatsimiinnera Hotel Hans Egedemi pivoq sisamanngormat
Nunamineralsimut aningaasaliisut arlaqartut ernumassutillit apeqquteqarlutillu oqaaseqaateqartarput
Nunamineralsip siulersuisuini siulittaasoq Birks Bovaird
Nunamineralsip ataatsimiinnera Hotel Hans Egedemi pivoq sisamanngormat Leiff Josefsen Leiff JosefsenNunamineralsimut aningaasaliisut arlaqartut ernumassutillit apeqquteqarlutillu oqaaseqaateqartarput Leiff JosefsenNunamineralsip siulersuisuini siulittaasoq Birks Bovaird Leiff JosefsenNaalakkersuisut siulittaasuat Kim Kielsen Siumut Leiff JosefsenOle Christiansen, Nunamineralsip pisortaanera Leiff JosefsenOle Christiansen nassuiaasoq Leiff JosefsenBirks Bovaird, Nunamineralsip siulersuisuni siulittaasua Leiff JosefsenNunamineralsip ataatsimiinnera Hotel Hans Egedemi pivoq sisamanngormat Leiff Josefsen Leiff JosefsenNunamineralsimut aningaasaliisut arlaqartut ernumassutillit apeqquteqarlutillu oqaaseqaateqartarput Leiff JosefsenNunamineralsip siulersuisuini siulittaasoq Birks Bovaird Leiff JosefsenNaalakkersuisut siulittaasuat Kim Kielsen Siumut Leiff JosefsenOle Christiansen, Nunamineralsip pisortaanera Leiff JosefsenOle Christiansen nassuiaasoq Leiff JosefsenBirks Bovaird, Nunamineralsip siulersuisuni siulittaasua Leiff Josefsen

Namminersorlutik Oqartussanit ilaannakortumik pigineqartoq, Nunaminerals A/S, aktiaataat aktiamut ataatsimut 5 koruunimit 10 oorinut appartinneqarpoq. Suliffeqarfiup nammineq aningaasaatai 137.954.700-ninit 2.759.094 koruuninut appartinneqarput, taakkulu annaasanut matussusissapput.

Aatsitassarsiornermi nunat tamalaat taamaasillutik suleqatigineqarsinnaalerput.

Suliffeqarfiup Københavnimi niuertut aningaasarsiuteqartullu niueqatigiittarfiannit ilaasortaajunnaarnissaanik Naalakkersuisut siunnersuutaat itigartinneqarpoq Nunamineralsip siulersuisuini immikkut ataatsimiinnermi sisamanngormat. Nunaminerals allaanerusumik siunnersuuteqarpoq.

Nunamineralsimut aningaasaliisut Londonimeersut neriuutigaat suliffeqarfik ingerlannaassasoq.

Nunamineralsip siulersuisuisa ataatsimiinnerat Hotel Hans Egedemi sisamanngormat nalunaaqutaq 16.00 ammarneqarpoq. Aningaasaliisut arlaqartut ernumassuteqartut oqaaseqateqarlutillu apeqqutilleeqattaarnerat pissutigalugu ataatsimiinneq sivisuumik ingerlavoq.

Isumaqatigiissut unitsiinnarneqartoq 2013-mi
Inatsisartunut 2013-mi qinersisoqarnera annertuumik eqquivoq, tassanimi Naalakkersuisut aatsitassarsiornikkut anguniagaat allanngortinneqarpoq.

- 2013-mi aatsitassarsiornikkut annertuumik isumaqatigiissuteqarfeqangajaavippugut. Akisussaasunik atsiortitsinissat kisimi amigaatigiinnarneqaleraluarput. Naalakkersuisulli aatsitassarsiornermut isumaat allanngorpoq, suleqatiginiagaagaluagullu tunuaannarput, Nunamineralsip pisortaanera Ole Christiansen aningaasaliisunut nassuiaavoq.

Nunarsuarmi aatsitassarsiornerit ingerlalluanngillat. Aatsitassat assigiinngitsut nalingi nikerarput.

- Kisianni 2013-mi qinersisoqarnera uagutsinnut annertuumik eqquivoq, Ole Christiansen oqarpoq.

København niuernikkut tulluanngitsuusoq
Nunaminerals nunat tamalaat niuertut aningaasarsiuteqartullu niueqatigiittarfiannut ilaasortanngorusuppoq.

- Københavnimi niuernikkut aningaasarsiuteqartullu siueqatigiiffiannit anerusuppugut. Københavnimi aatsitassarsiorneq ilisimaneqanngilaq. Nunat tamalaat niuertut aningaasarsiuteqartullu niueqatigiittarfiannut ilaasortanngorusuppoq, Ole Christiansen oqarpoq.

- Suliffeqarfipput canadarmiumik siulersuisuni siulittaasuutitaqalerpoq. Nunarsuarmi niueqatigiinnermik ilisimasaqartuuvoq, Ole Christiansen nassuiaavoq siulersuisunilu siulittaasoq Birks Bovaird tikkuarlugu.

- Nunaminerals nunat tamalaat niuertut aningaasarsiuteqartullu niueqatigiittarfiannut ilaasortanngornissaa sulissutigissavara. Aatsitassarsiornerli ingerlalluarpallaanngilaq nunarsuatsinni, tamanna New Yorkimiinninni septembarimi paasivara, Birks Bovaird oqarpoq.

Londonimit aningaasaliisut - matusooriaannaanerlu
- Nunamineralsimik suleqateqaannarnissarput neriuutigaarput. Inissinneqartussat suli inissinngillat, taamaammat suli toqqissisimanngilanga, Greenland Mining Managementimi pisortaq, Patrick Newman, oqarpoq.

- Paatusumi qaqutigoortunik aatsitassarsiorniarnermut 400.000 koruuninik aningaasaliivugut. Taamaammat suleqatigiinnerup ingerlannarnissaa neriuutigaarput, oqarpoq.

Suliffeqarfiup ingerlannarnissaanut suliffeqarfik akiliisinnaassuseqanngikkallarpoq, periarfissalli allat siulersuisunit suli ujartorneqarput. Periarfissanik nassaartoqanngippat suliffeqarfik matusariaqalissaaq, siulersuisuni siulittaasoq oqarpoq.

Assit ataani takukkit

Powered by Labrador CMS