kunngikkormiut
Assit: Kunngissaq nulialu Nunatsinni qimussimik angalaassapput
Kunngissaq Frederik nulialu Mary Danmarkshavnimi qimussimik angalaassapput
Kunngissaq nulialu tikissimanerat pillugu Mittarfeqarfiit assinik Facebookiminni ikkussipput marlunngormat. Tunumi tikeraarnerat pisortatigoortuunngilaq.
Mittarfeqarfiit Facebookimi qupperneranni kunngissaq nulialu Nerlerit Inaanniittut takuneqarsinnaavoq. Avannamut ingerlaqqissapput, tassami Danmarkshavnimi qimussimik angalaassapput.
Kunngissap nuliatalu qimusserlutik angalanerat pillugu kunngikkormiut illuanit annertunerusumik Sermitsiaq.AG-mut oqaaseqarfigineqarusunngilaq angalaneq nammineq kajumissutsimik angalanerunera pissutaalluni.
Kunngissaq nulialu pisortatigoortumik Københavnimi naalagiartoqarnerani maajip tallimaani najuutissapput, tamanna kongehuset.dk-p ilisimatitsissutigaa.
Kunngissap nuliatalu meeqqatik ilagalugit Nunatsinniipput kingullermik 2014-mi. Tassani kujataaniillutillu Nuummiipput.
Mittarfeqarfinnit assilineqartut ataani takukkit