Paamiut
Assit: KNI-mi sulisumut saqqarmioq nersornaat
Gerda Jakobsen, ukiuni 50-ni atatiinnarlugu KGH/KNI Pilersuisumi sulisimasoq, dronningip nersornaasiuttagaanik sølviusumik saqqarmiulerneqarpoq
Ataqqinartorsuup dronningip saqqarmioq nersornaasiuttagaa Paamiuni tunniunneqarpoq.
Gerda Jakobsen ukiuni 50-ni KGH/KNI Pilersuisumi sulisimasoq, sølviusumik saqqarmiulerneqarpoq.
Saqqarmiuliineq illoqarfiup katersortarfiani Taqqissuuni tallimanngormat pivoq.
Katerisimaarneq
Gerda Jacobsenip nalliuttorsiortinneqarnerani ilaqutai suleqatikuilu qaaqquneqarput. Aamma erinarsoqatigiit peqataapput.
Pisortaq Finn Fabricius sila peqqutigalugu ajoraluartumik peqataasinnaanngimmat, taanna sinnerlugu tuniniaanerni pisortaq Arne Lyberth Petersen oqaaseqarpoq. Oqaaseqareermat Gerda Jacobsen saqqarmiulerneqarpoq.
Allaaserisap ataani assit takukkit