Nunarput Tokyomi
Assit: Kielsen aamma Kruse Tokyomi aalisagaarniarfimmiittut
Kalaallit Nunaannit qalerallit Tokyomi aalisagaarniarfimmi 800 yenilerlugit tuniniarneqartarput (45,57 koruunit)
Naalakkersuisut siulittaasuat Kim Kielsen aamma aalisarnermut naalakkersuisoq Karl-Kristian Kruse Royal Greenlandimit nalunaaqutaq ullaakkut tallimanut qaaqquneqarput. Tokyomi aalisakkanik nioqqutissiorfik takornariartinneqarpoq pingasunngornerup ullaavani. Tokyomi aalisakkanik tuniniaaviit Nunatsinni kalaalimineerniarfinnit anginerungaatsiartut Naalakkersuisuinikkut suliaqartut takornariarpaat.
Takornariarnermi Kalaallit Nunaannit aalisakkat Tokyomi tunisassiarineqartartut ilaatigut takuniarneqarput.
Qalerallit 5.000 tonsit Japanimut ukiumut tunisassiarineqartartut Royal Greenlandip pisortaanerata Mikael Thinghusip ilisimatitsissutigaa. Qaleralinnik tunisassiortunut suliffeqarfimmut Chuo Gyorui Co. Ltd-mut tunineqartarput.
Qalerallit 150 tonsit Japanimi tunineqartartut suliffeqarfiup manageria Takuji Nakamura oqaluttuarpoq. Royal Greenlandip avammut tunisassiaasa affaraat, sinnerilu Canadamut Ruslandimullu tunineqartarput.
Takuji Nakamura oqarpoq qalerallit Kalaallit Nunaanneersut pitsaanerpaasut. Kilomut 800 yen tunineqartartut oqaatigaa - 45,57 koruunit missaat.
Tunit aamma soqutigineqarluartut
Tunisassiorfimmi takornariarnermi aalisakkat allat tunisarineqartut aamma takutinneqarput.
Tassani tunit soqutigineqarluarnerat malunnarpoq, aamma akisuvoq. Kilomut 1.000 yenit tunineqartarput, 56.96 koruunit.
Kim Kielsenip aamma Karl-Kristian Krusep takuaat tuni tamakkerlugu 225 kilo, kilomut 339 koruuninngorlugu tunisassiarineqartoq. Tuni tamaat taamaasilluni 76.000 koruuninik naleqalerluni.
Takornariareernermi kingorna sushiliorfik takusarneqarpoq.
Aalisarneq pillugu ataatsimiittoqassaaq ullup ingerlanerani, tassani kunngissakkut peqataassapput. Kiisalu aamma Issittumi politikki sammineqassaaq. Ulloq naggaserlugu Nanook aamma Nive Nielsen nipilersussapput danskit aallartitaqarfianni.
Assit ataani takukkit