'Til gavn for Grønland'

Assit: ´Kalaallit Nunaannut iluaqutaasumik´ saqqummiunneqarnera

Sermitsiaq.AG peqataavoq arfininngormat nalunaarusiaq Nuummi Ilimmarfimmi saqqummiunneqarmat

Arfininngormat Nuummi ilimmarfimmi nalunaarusiaq ´Kalaallit Nunaannut iluaqutaasumik´ saqqummiunneqarmat inuit 150-it missaanniittut takkupput. Leiff Josefsen´Kalaallit Nunaanni pinngortitap pisuussutai inuiaqatigiinnut iluaqutaasumik atornissaat pillugu Ataatsimiititaliap´ siulittaasua Minik Rosing, taannalu aamma Københavns Universitetimi ujarassiornermi professoriuvoq Ilisimatusarfiullu siulersuisuini siulittaasuulluni. Leiff Josefsen Leiff JosefsenKaffisorluni unillatsiarneq Leiff JosefsenSaamerlerniit ´Kalaallit Nunaanni pinngortitap pisuussutaata inuiaqatigiinnut iluaqutaasumik atornissaat pillugit Ataatsimiititaliap´ siulittaasua, ujarassiornermi professori Minik Rosing, nalunaarusiamik ´Kalaallit Nunaannut iluaqutaasumik´ sanasoq, Jess G. Berthelsen aamma Kasper Larsen, marluullutik SIK, Mikkel Myrup, Avataq, aamma Inuit Ataqatigiit siulittaasuat Kuupik Kleist. Leiff JosefsenSaamerlerniit Ole Christiansen, NunaMinerals, inuussutissarsiornermut, aatsitassanut sulisartoqarnermullu naalakkersuisoq Jens-Erik Kirkegaard, Siumut, Aaja Chemnitz Transparency Greenland, Brian Buus Pedersen, Kalaallit Nunaanni Sulisitsisut Peqatigiiffiat, aamma professor Søren Bo Nielsen, taannali assimi ilaanngilaq. Leiff JosefsenNalunaarusiaq ´Kalaallit Nunaannut iluaqutaasumik´ nunani avannarlerni ilisimatuunit 13-init, Nuummi Københavnimilu immikkut toqqarneqartunit, sananeqarpoq. Leiff JosefsenAtaatsimiititaliaq pappialanik tunuliaquttanik qulinik sanasimavoq sammillugit ujarassiorneq, avatangiisinut sunniutit, oqaluttuarisaanikkut misilittakkat, nunani tamalaani misilittakkat, Asia, inatsimmut tunngasut, geopolitik, inuiaqatigiinnut sunniutissat, inuussutissarsiornermut sunniutissat aningaasarsiornerlu. Pappiaqqat tunuliaquttat 450-it missaannik qupperneqarput, nalunaarusiamullu pingaarutilimmik tunngaviullutik. Leiff Josefsen– Kaammattuutigissavara politikerit maanna eqqarsassasut misigisimassasullu suliassartik tassaasoq tunniusimanissartik, pingaartumillu Kalaallit Nunaanni innuttaasut tamaasa tunniusimatinniarnissaat. Sumut ingerlarusuppugut? Tamannalu anguniarlugu suut pilliutigerusuppavut. Tamassuma paasinissaa pingaaruteqartorujussuuvoq, tassami arlaannik perusukkutta arlaannik annaasaqassaagut. Oqallisissaq ajornakusoortorujussuuvoq, aalajangiisuullunili pisariaqarlunilu, Minik Rosing Sermitsiaq.AG-mut oqarpoq. Leiff JosefsenAningaasaqarnermut nunallu iluani pissutsinut naalakkersuisoq Vittus Qujaukitsoq, Siumut, apeqquteqarpoq. Leiff JosefsenInuussutissarsiornermut, aatsitassanut sulisartoqarnermullu naalakkersuisoq Jens-Erik Kirkegaard, Siumut, oqaaseqarpoq. Leiff JosefsenNalunaarusiaq Nunatta siunissami ineriartornissaanut tallimanik takorluugaqarpoq: Taamaaginnarneq, Kalaallit Nunaat nunatut aatsitassarsiorfittut, Aatsitassanut Aningaasaateqarfimmik Ineriartortitsineq, periuseq arlalinnik sammivilik kiisalu Namminersulivinneq. Leiff JosefsenPinngortitamut avatangiisinullu naalakkersuisut Kim Kielsen, Siumut, apeqquteqarpoq. Leiff JosefsenTakorluukkat takutippaat piiaaffiit killilimmik amerlassusillit piffissami killilimmi sumiiffinnilu killilersorsimasuni Nunatsinni aningaasarsiornermik, kulturimik avatangiisinullu innarliinngitsumik pilersuisinnaasut. Leiff JosefsenTunngavissaq pingaarutilik tassaavoq aatsitassanit aningaasaateqarfiup piaarnerpaamik ineriartortinneqarnissaa. Nalunaarusiaq aamma 21-nik immikkoortoqarpoq, ataatsimiititaliap isumaqarfigisaanik immikkut sammineqartariaqartunik. Leiff Josefsen

´Kalaallit Nunaanni pinngortitap pisuussutai inuiaqatigiinnut iluaqutaasumik atornissaat pillugu Ataatsimiititaliap´ siulittaasuata Minik Rosingip nalunaarusiaq ´Kalaallit Nunaannut iluaqutaasumik´ soqutiginnittunut tamanut saqqummiummagu inuit 150-it missaanniittut Nuummi Ilimmarfimmut ornigupput.
Ilisimatusarfiup rektoriata Tine Parsip tikilluaqqusinerata kingorna Minik Rosingip, Københavns Universitetimi ujarassiornermi professorip aamma Ilisimatusarfiup siulersuisuni siulittaasup, nalunaarusiap tunuliaqutaa inerniliineralu oqaluttuarai.
Tamatuma kingorna panelimi oqallittoqarpoq peqataallutik inuussutissarsiornermut, aatsitassanut sulisartoqarnermullu naalakkersuisoq Jens-Erik Kirkegaard, Siumut, Aaja Chemnitz, Transparency Greenlandimeersoq, Mikkewl Myrup, Avatameersoq, Brian Buus Pedersen, Kalaallit Nunaanni Sulisitsisut Peqatigiiffianneersoq, Inuit Ataqatigiit siulittaasuat Kuupik Kleist, Jess G. Berthelsen aamma Kasper Larsen, marluullutik SIK-meersut, Ole Christiansen NunaMineralsimeersoq aamma professor Søren Bo Nielsen.
Sermitsiaq.AG-p assiliisuata Leiff Josefsenip assilitai allaaserisap ataani takukkit
Aamma arfininngormat saqqummiussineq pillugu allaaserisaq atuaruk "Minik Rosing: Misigisimalluarnaqaaq"
Atuaruk nalunaarusiaq ´Kalaallit Nunaannut iluaqutaasumik´
Marlunngornermi februaarip 4-aanni nalunaarusiaq Københavns Universitetimi saqqummiunneqassaaq (aaqqissuussineq peqataaniarlunilu nalunaarnissaq pillugit atuarit uani).
Nalunaarusiaq ´Kalaallit Nunaannut iluaqutaasumik´pillugu allaaserisat tamaasa atuakkit

Powered by Labrador CMS