isiginnaagassiaq
Assit: Isiginnaagassiap Karius aamma Baktusip takutinneqarnera naammassivoq
Sisimiuni isiginnaagassiaq Karius aamma Baktus takutinneqareermat isiginnaagassiap takutinneqarnera taamaasilluni naammassivoq. Kalaallit Nunaata kujataani isiginnaagassiaq januaarimi takutinneqassaaq
Kalaallit Nunaata Isiginnaartitsisarfiata meeqqanut isiginnaagassiaq takutippaa. Isiginnaagassiaq soqutigineqarluarsimasoq oqaatigineqarpoq.
Aasianni Kangaatsiamilu isiginnagassiaq soqutigineqarluarsimasoq aaqqissuisunit oqaatigineqarpoq.
- Nunaqarfinneersunit Kangaatsiamukartoqarpoq isiginnaagassiaq isiginnaariartorlugu. Aasianni Kangaatsiamilu isiginnaartitsigatta ulikkaaveqqavoq, aamma inuit qiimasorujussuupput, angalanermut aaqqissuisoq Ilannguaq Kleist oqarpoq.
Takutinneqaqqissaaq
Naak isiginnaagassiap takutinneqarnera naammassigaluartoq isiginnaagassiaq takutinneqaqqikkumaarpoq. Tassami januaarimi takutinneqaqqissaaq. Tamanna kujataani pissaaq.
- Isiginnaagassiap takutinneqarnissaanut isumaqatigiissutit inissitsileruttorput, kisianni suli inniminniisoqarsinnaavoq. Uagutsinnut nalunaaginnartoqassaaq, isiginnaagassiorfiup pisortaa Svenn Syrin oqarpoq.
Allaaserineqartup ataani assit takukkit