Sisimiut

Assit: GUX Sisimiuni ilinniarnertuunngortut siulliit

Junip 23-ani ilinniarnertuunngortut siulliit marluk GUX Sisimiuni erfalasoq ataatsikkoorlutik amoorpaat

Martin Eldevig Olsen, tuluttoornermi A-mi misilitsereerluni nasartaarpoq Kristine F. PetersenJessica Pernille Sørensen teknikfagimi sanaartornermi nukissiornermilu misilitsereerluni nasartaarpoq Kristine F. PetersenIleqquusut malillugit ilinniarnertuunngortut siulliit erfalasoq amuaat Kristine F. PetersenIlinniarnertuunngortut naasunnapput Kristine F. Petersen

GUX Sisimiuni ilinniarnertuunngorniat marluk Jessica Pernille Sørensen aamma Martin Eldevig Olsen, marlunngornermi junip 23-ani nalunaaqutaq 09.00 siullersaallutik nasartaarput. Erfalasoq ataatsikkoorlutik nalunaaqutaq 09.15 amuarpaat.
Jessica Pernille Sørensenip teknikfagimi sanaartornermi nukissiornermilu misilitsinnermi projektiliani illersorpaa, Martin Eldevig Olsenip tuluttoornermi A-mi qaffasinnerpaami misilitsippoq.

Ukiuni pingasuni atuartuaannarsimavoq
Jessica Pernille Sørensen ukiuni pingasuni GUX Sisimiuni ilinniarnermini ataasiarluniluunniit atuanngitsoorsimanngilaq.
- Uannut ullaakkut makissinnaaneq ajornartorsiutaanngilaq, ileqqoriinnarpara, Jessica Pernille Sørensen oqarpoq.

Jessica Pernille Sørensen suli aalajanginngilaq Aarhus Universitetimi nakorsanngorniassanerluni imaluunniit Arktisk Teknologimi Sisimiuni issittumi ingeniørinngorniassanerluni.

Martin Eldevig Olseni ukioq ataaseq atuanngiffeqassaaq, aappaagu danmarkimi matematikimi qaffasinnerpaaq A ilinniassavaa. Taassuma kingorna software-civilingeniøritut ilinniarniarpoq.

Ilaminut maligassiuisoq
Ualikkut kingulliulluni nasartaarpoq Jenna Lucia Pardilla, alliartupiloornikuugaluarluni ilaminut maligassiuisuuvoq.

Inuunermini oqitsuinnaanngikkaluanik atugaqartarnikuulluni fagini amerlanerni karaktererivai 10 aamma 12. Atuagarsornikkut atuaqatiminut ikiuuttuartarsimavoq. Aasaanerani feriareeruni Aarhus Universitetimi tarnip pissusaanik immikkut ilisimasalittut ilinniarniarpoq.

Naatsorsuutigineqarpoq GUX Sisimiuni ilinniartut 71-it junip 30-ani soraarummeernermi inaarutaasumik naammassisimanerat nalliuttorsiutigineqassasoq.

Powered by Labrador CMS